“Lukim Yu Long Kingdom Bilong God”

“Dia Pren! Rupert, nau long dispela de ol bai kilim mi i dai. No ken krai sori long mi. Mi salim sori long yu na long olgeta lain i stap long haus. Lukim yu long Kingdom bilong God.”

LONG June 8, 1942, Franc Drozg i raitim dispela tok paslain liklik long taim ol soldia Natsi i sutim em. Bilong wanem ol i kilim em i dai?

Ripot bilong wanpela lain (Museum of National Liberation) long Maribor, Slovenia, i kamapim olsem dispela man​—⁠em i gat 38 krismas na em i man bilong wokim ol samting long ain​—⁠em i no laik insait long ami bilong Jemani. Long dispela taim Jemani i kisim Slovenia. Em i wanpela Bibelforscher, o Sumatin Bilong Baibel​—⁠em nem bilong ol Witnes Bilong Jehova long dispela hap. Em i bihainim tok bilong Aisaia 2:4 na em i no laik helpim ol Natsi long pait, na em i tokaut olsem em i stap aninit long Kingdom bilong God.​​—⁠Matyu 6:​33, Nupela Testamen na Ol Sam.

Long as ples bilong em long Ptuj, ol man i save long Franc olsem man bilong givim bel tru long autim gutnius bilong Kingdom bilong God. (Matyu 24:14) Maski planti hevi i bungim em, em i givim bel yet long autim tok i go inap long ol i holim em long Me 1942.

Ol Natsi i bin mekim nogut tru long planti Witnes Bilong Jehova long Slovenia. Franc na sampela moa ol i namba wan lain em ol Natsi i bin kilim ol i dai, long wanem, ol i strong long bihainim bilip bilong ol. Wankain tok i bin strongim ol Kristen long taim bilong ol aposel i strongim em tu: “Yumi laik i go insait long kingdom bilong God, tasol pastaim yumi mas wokabaut long rot i gat planti hevi i stap long en.” (Aposel 14:22) Laspela tok em i mekim, “Lukim yu long Kingdom bilong God,” i kamapim klia tru olsem em i bin bilip tru long dispela gavman bilong God long heven.

[Ol Piksa Kredit Lain long pes 32]

Franc Drozg: Photo Archive-Museum of National Liberation Maribor, Slovenia; letter: Original kept in Museum of National Liberation Maribor, Slovenia