Wanem Pe Bilong Bel i No Gat Tok?

“KOT i Tokim Gavman Long Kisim 20,000 Dola.” Dispela narapela kain het-tok i bin kamap long nius Correio do Povo bilong Brasil. Nius i stori long Luiz Alvo de Araújo, em wanpela man bilong bringim ol pas i go long ol man long dispela hap, na em i bin salim liklik hap graun bilong em na gavman i baim. Em i givim graun i go long gavman na sainim olgeta pepa, na bihain em i kirap nogut long save olsem gavman i popaia na givim em bikpela mani tumas, olsem 20,000 dola (mani bilong Brasil, na i olsem 28,000 kina) antap long pe ol i bin pasim tok long baim!

Em i hatwok tru long bekim dispela mani. Inap planti taim em i go long gavman bilong stretim dispela samting, tasol i no gat wanpela i helpim em. Ol i tokim em long baim wanpela loya na stretim dispela long rot bilong kot. Jas i tokim gavman long kisim mani na baim kot, na jas i tok: “Wanpela i bin popaia, na no gat wanpela man i save long stretim, olsem na ol i no stretim. Em namba wan taim dispela kain kot i bin kamap. Bipo ol i no bin mekim kain kot olsem.”

Luiz em i wanpela Witnes Bilong Jehova, na em i tok olsem: “Bel bilong mi em Baibel i skulim, em i gat tok long kisim dispela mani em i no bilong mi. Mi laik bekim dispela mani.”

Planti man bai ting dispela pasin em i mekim i narakain tru. Tasol Baibel i kamapim olsem ol Kristen tru i ting em i bikpela samting tru long mekim stret ol samting wantaim gavman bambai bel bilong ol i no gat tok. (Rom 13:⁠5) Ol Witnes Bilong Jehova i strong long holimpas pasin bilong bel i no gat tok na wokabaut stret long olgeta taim.​—⁠Hibru 13:⁠18.