Wanpela Samting Bilong Tingim

WANEM dispela samting? Dispela samting em dai bilong wanpela man i bin i dai klostu 2,000 yia i go pinis. Em i tok: “Mi bai lusim laip bilong mi na bai mi kisim gen. I no gat wanpela man inap pinisim laip bilong mi. Nogat. Long laik bilong mi yet mi bai lusim laip bilong mi.” (Jon 10:​17, 18) Dispela man em Jisas Krais.

Jisas i tokim ol disaipel bilong em long mekim Memorial bilong tingim i dai bilong em olsem ofa. Dispela bung ol i save kolim tu olsem ‘kaikai bilong Bikpela.’ (1 Korin 11:20) Ol Witnes Bilong Jehova na ol pren bilong ol bai mekim dispela Memorial Jisas i bin kamapim bilong tingim dai bilong em long Fonde, Mas 24, 2005, bihain long taim san i go daun pinis.

Wanpela tok bilong Baibel bai stori long mining bilong bret i no gat yis na retpela wain ol i yusim long dispela bung. (Matyu 26:​26-​28) Dispela tok bai bekim tu ol kain askim olsem: Ol Kristen i mas mekim Memorial hamas taim? I stret long husat i ken kisim bret na wain? Husat i kisim helpim long dai bilong Jisas? Dispela bikpela bung bai helpim yumi olgeta long pilim tru laip bilong Jisas na dai bilong em.

Mipela i amamas long singautim yu long kam long dispela Memorial bilong tingim dai bilong Jisas. Plis askim ol Witnes Bilong Jehova i stap long hap bilong yu long ples na taim stret bilong dispela miting.