Bung Wantaim Mipela Long Trinde, Epril 12

Wanpela Nait Bilong Tingim

Long nait paslain long em i dai, Jisas Krais i kamapim Memorial bilong tingim indai bilong em. Jisas i kisim wain na bret i no gat yis i makim blut na bodi bilong em, na em i tok: “Yupela i mas mekim olsem bilong tingim mi.”​—Luk 22:19.

Ol Witnes Bilong Jehova i laik singautim yu long bung wantaim ol na bihainim tok bilong Jisas long tingim dispela samting i save kamap wanpela taim long olgeta yia. Plis lukim baksait bilong dispela pepa o askim ol Witnes Bilong Jehova long hap bilong yu long ples na taim stret bilong dispela bung.