Mipela i Singautim Yu . . .

Yu Ting God i Bosim Yet Ol Samting?

BAGARAP bilong ol bikpela win ren samting, pasin korapsen ol bikman i save mekim, pasin teroris, ol woa, na pasin raskol. Long klostu olgeta de yumi harim nius long ol dispela samting. Maski ol dispela hevi i bin painim yu yet o nogat, ating yu tu i tingting long wanem samting bai painim yumi ol man long bihain na i stap bilong yumi bai kamap gutpela o nogat.

Bilong skelim gut ol dispela samting, ol Witnes Bilong Jehova long winim 200 kantri long olgeta hap bai mekim wanpela pablik tok, nem bilong en “Yu Ting God i Bosim Yet Ol Samting?” Dispela pablik tok bai skelim ol tok na tok promis God i mekim long Baibel long ol dispela bikpela askim:

God i save tingim ol samting i wok long kamap long dispela graun?

Em i gat wanem tingting long ol manmeri bilong graun?

Em i save tingim sindaun bilong yu?

Long planti hap, dispela tok bai kamap long Sande, Epril 30, 2006, long Haus Kingdom bilong ol Witnes Bilong Jehova. Ol Witnes long hap bilong yu bai amamas long tokim yu long taim na ples em dispela tok bai kamap long en.

Mipela i laik singautim yu long kam harim dispela pablik tok em Baibel i as bilong en na i no gat pe. Dispela tok bai strongim bel bilong yu na i givim gutpela bekim long dispela askim: Yu Ting God i Bosim Yet Ol Samting?