“Yu Save Long Nem Bilong God?”

DISPELA askim i bin kirapim tingting bilong wanpela meri long hap saut-wes bilong Sentral Esia. Em askim i bin stap long karamap bilong Kirap! bilong Epril-Jun 2004. Bihain meri i raitim pas i go long ol lain i wokim dispela nius olsem: “Wantu tasol, nius bilong yupela i pulim tingting bilong mi, na em i helpim mi long kamapim ol gutpela pasin. Mi wok long kisim tingting olsem ol gutpela samting tasol bai kamap. Mi tokim olgeta manmeri long God na bel isi em dispela save i kamapim.”

Long planti kantri, na “i go inap long olgeta hap bilong graun,” ol manmeri i wok long kisim save long dispela nem holi, Jehova. (Aposel 1:8) Olsem, dispela nem long tok ples Turkmen, em Yehowa, i stap long Baibel Holi bilong ol Turkmen. Buk Song 8:1 long dispela Baibel i tok: “Jehova, Bikpela bilong mipela. Long olgeta hap bilong graun nem bilong yu i nambawan tru.”

Bilong kisim sampela save moa long God Jehova, dispela meri i askim long kisim wanpela buklet i gat 32 pes long en, The Divine Name That Will Endure Forever. Yu tu inap askim wanpela Witnes Bilong Jehova long kisim dispela buklet.