Ol Bikpela Samting Ol Yangpela i Mas Skul Long En

GLADYS i save wok long wanpela skul long Mendoza, Ajentina. Wanpela taim em i wokabaut klostu long wanpela klasrum na i lukim wanpela tisa i ritim buk Baibel Stori Buk Bilong Mia long ol gret foa sumatin bilong em. Gladys i tok gude na tokim tisa olsem em i wanpela Witnes Bilong Jehova na em i amamas long soim em long olsem wanem buk inap helpim em gut. Tisa i laikim tru ol tok Gladys i mekim, olsem na em i laik bai skul i yusim dispela buk bilong lainim ol sumatin. Tasol em i mas kisim tok orait long skul pastaim. Em i amamas tru long em i bin kisim tok orait.

Bihain, long wanpela de em skul i makim bilong kirapim ol sumatin long ritim ol buk, tisa i makim ol sumatin bilong em long ritim wanpela sapta bilong dispela buk long ai bilong olgeta wanskul bilong ol. Gutpela samting i kamap long dispela program, olsem na ol i singautim dispela tisa long toktok long wanpela so bilong televisen. Taim ol i stori long pasin bilong ol skul pikinini, man i lukautim dispela so i askim em, “Yu save mekim wanem na ol pikinini i save bihainim gutpela pasin long klasrum?” Tisa i tok olsem em i bin mekim wok long wanpela buk nem bilong en Baibel Stori Buk Bilong Mi. Em i tok olsem maski em i no skulim ol pikinini long ol samting bilong lotu, long rot bilong dispela buk, em i lainim ol long ol gutpela pasin olsem rispek, pasin isi, pasin wanbel, wok gut wantaim, bihainim tok, na pasin laikim. Olgeta i wanbel olsem ol dispela pasin i bikpela samting ol yangpela i mas skul long en.

Yu laik skulim ol pikinini bilong yu long ol gutpela pasin olsem? Yu ken askim wanpela Witnes Bilong Jehova long givim yu dispela gutpela buk tru, em Baibel Stori Buk Bilong Mi.

[Futnot]