Nambawan Bikpela De i Bin Kamap Bipo

Em de Jisas Krais i bin dai long en. Bilong wanem dai bilong Jisas i bikpela samting? I gat planti as na em i bikpela samting.

Pasin bilong Jisas long stap gut long God i go inap long em i dai, i soim olsem ol man inap stap gut long God.

Dai bilong Krais i opim rot long sampela manmeri long mekim wok king wantaim em long heven. Na tu, em i opim rot long planti manmeri moa long kisim laip oltaim long wanpela paradais long graun.

Long nait paslain long em i dai, Jisas i mekim wok long bret i no gat yis na retpela wain bilong makim gutpela ofa bilong em. Na em i tokim ol disaipel bilong em olsem: “Yupela i mas mekim olsem bilong tingim mi.” (Luk 22:19) Olsem wanem? Bai yu tingim dispela bikpela samting?

Ol Witnes Bilong Jehova i laik singautim yu long bung wantaim ol long mekim Memorial bilong tingim dai bilong Jisas. Long dispela yia, de bilong mekim dispela bung em Fonde, Epril 9, taim san i go daun pinis. Yu ken go long Haus Kingdom i stap klostu long yu. Plis askim ol Witnes Bilong Jehova long hap bilong yu long taim na ples stret dispela bung bai kamap long en.