Spesel Pablik Tok

Yumi Inap Painim We Helpim Bilong Karim Ol Hevi Bilong Nau?

Long nau i gat planti buk samting i gat ol tok bilong helpim ol man. Planti man i save laikim ol buk na TV program i save kamapim ol tok bilong helpim ol man. Tasol planti hevi i stap yet. Ating yu laik save, ‘I gat wanpela samting bilong stiaim yumi, em yumi ken bilip tru long en?’ Yumi ken tok yes!

Maski Baibel i stap inap planti tausen yia pinis, em i gat ol gutpela stiatok bilong bekim ol askim olsem:

▪ Olsem wanem mi inap stretim ol hevi na pas gut moa wantaim ol narapela?

▪ Olsem wanem mi inap i stap amamas?

▪ Olsem wanem mi inap karim hevi bilong mani?

▪ Olsem wanem mi inap daunim pasin bilong tingting planti?

Ol bai skelim bekim bilong ol dispela askim long pablik tok “Ol Stiatok Bilong Baibel—Yu Ting Ol Inap Helpim Yumi Long Karim Ol Hevi Bilong Nau?” Dispela tok em Baibel i as bilong en bai kamap long winim 230 kantri long olgeta hap bilong graun. Long planti hap, dispela tok bai kamap long Haus Kingdom bilong ol Witnes Bilong Jehova long Sande, Me 1, 2011.

Ol Witnes i stap long hap bilong yu bai amamas long toksave long yu long taim na ples bilong bung. Mipela i laik singautim yu i kam long dispela bung.