Sakim Ol Spirit Nogut!

Pasin bilong mekim: Mekim dispela projek long wanpela hap we i no gat planti nois. Taim yu ritim ol skripsa, tingim olsem yu yet i stap insait long stori. Piksaim long tingting ol samting i kamap. Harim nek bilong ol man i toktok. Pilim tingting bilong ol man insait long stori. Mekim dispela stori i kamap olsem samting tru tru em yu lukim i stap.

1 SKELIM SAMTING I KAMAP.—RITIM STAT 6:1-6 NA APOSEL 19:11-20.

Yu ting ol Nefilim i luk olsem wanem?

․․․․․

Yu ting ol dispela man i pilim olsem wanem taim ol i bungim wanpela spirit nogut olsem Aposel 19:13-16 i kamapim?

․․․․․

2 SKELIM I GO MOA.

Yusim ol buk bilong ol Witnes Bilong Jehova na mekim wok painimaut long ol Nefilim. Yu ting bilong wanem ol i gat pasin bilong pait na bagarapim man?

․․․․․

Olsem wanem yumi ken tok ol dispela spirit nogut “i lusim ples stret bilong ol”? (Ritim Jut 6.) Yu ting bilong wanem i no stret liklik long ol i kisim ol meri long graun bilong maritim?

․․․․․

Long dispela tupela stori yu ritim, yu kisim wanem save long pasin bilong ol spirit nogut long insait tru long maritpasin na pasin pait?

․․․․․

3 MEKIM GUTPELA WOK LONG SAMTING YU LAINIM. RAITIM SAMTING YU KISIM SAVE LONG EN . . .

Pasin bilong ol spirit nogut long mekim nogut long ol man na tingim ol yet tasol.

․․․․․

SAMPELA TOK MOA YU KEN MEKIM WOK LONG EN.

Ol spirit nogut i no inap tanim i kamap man moa, olsem na yu ting ol inap yusim wanem ol narapela rot bilong pulim yu?

․․․․․

Wanem kain ol amamas long nau i kamapim tru tingting na laik bilong ol spirit nogut?

․․․․․

Olsem wanem yu ken soim olsem yu tingting strong long sakim wok bilong ol spirit nogut? (Ritim gen Aposel 19:18, 19.)

․․․․․

4 YU PILIM TRU WANEM OL SAMTING LONG OL DISPELA STORI BILONG BAIBEL? BILONG WANEM YU TOK OLSEM?

․․․․․

Yu ken ritim sampela nius moa bilong Baibel long intenet long www.watchtower.org