Lista Bilong Ol Tok i Stap Insait

Yumi ol wokman bilong Jehova i amamas tru olsem long olgeta wan wan yia, inap olsem 250,000 manmeri i kisim baptais. Planti em ol yangpela, na sampela i no winim yet 13 krismas. Wanem samting i helpim ol long luksave olsem ol i redi long mekim wok bilong Jehova? Ol i mekim wanem bilong redim ol yet long kisim baptais? Dispela 2-pela stadi bai bekim ol dispela askim.

Jehova bai blesim ol wok bilong yumi taim yumi wok bung wantaim. Dispela stadi i stori long sampela gutpela rot bilong yumi long wok bung wantaim long wok autim tok, insait long kongrigesen, na insait long famili.

Oltaim Jehova i save stiaim ol manmeri bilong em. Dispela stadi i stori long olsem wanem God i senisim wei bilong em long stiaim ol manmeri bambai dispela i stret wantaim ol senis i kamap. Na tu, yumi bai kisim save long rot bilong soim olsem yumi laik bai Jehova i stiaim yumi.