Askim

◼ Olgeta wan wan Witnes Kristen i mas tingim wanem ol samting long taim bilong eleksen?

Putim Nem: Sapos krismas bilong yu i bikpela inap long yu vot, orait, yu mas bihainim lo bilong gavman na putim nem bilong yu long lista gavman i wokim, ol i kolim Elektoral Rol. Kaunim Luk 2⁠:​1-5. Josep tupela Maria i bin bihainim lo bilong gavman, na ol i go bek long Betlehem bambai gavman i ken kisim nem bilong ol. Olsem tasol, ol Kristen long nau ol i mas bihainim lo bilong gavman na putim nem bilong ol long lista bilong ol man ol inap vot.

Ol i No Insait: Ol Witnes i no pasim ol man i laik vot long taim bilong eleksen o ol i laik kisim namba na kamap memba bilong gavman o ol i wok long kirapim ol narapela long vot long wanpela man. Nogat. Tasol ol Witnes Kristen yet i mas beten na tingim ol tok bilong Baibel i stap daunbilo, na bai ol inap tingim gut ol samting ol yet bai mekim long dispela wok politik.

1 Jon 5⁠:19: “Yumi save, yumi stap pikinini bilong God, tasol dispela graun olgeta em i stap aninit long strong bilong Satan.”

Jon 15⁠:19: “Sapos yupela i stap olsem ol man bilong dispela graun, orait ol manmeri bilong graun ol inap laikim yupela olsem ol lain bilong ol yet. Tasol yupela i no man bilong dispela graun. Nogat. Mi makim yupela pinis bai yupela i lusim pasin bilong dispela graun. Olsem na ol manmeri bilong graun i save birua long yupela.”

Jems 4⁠:4: “Yupela i lusim God, olsem meri i lusim man bilong en na i go pamuk nabaut. Harim. Sapos man i laikim pasin bilong graun, em i mekim pasin birua long God. Ating yupela i no save long dispela, a? Olsem na sapos man i laik pren wantaim ol pasin bilong graun, em bai i kamap birua bilong God.”

Matyu 24⁠:14: “Na bai ol i autim dispela gutnius bilong kingdom bilong God long olgeta hap bilong graun, bai olgeta lain manmeri i ken harim, na bihain tasol bai las de i kamap.”

Sapos yu save long tok Inglis na yu laik kisim sampela save moa long dispela samting, orait lukim buk Reasoning, pes 273 na 274.

This article is unique to PNG.