Ol Toksave

◼ Olgeta kongrigesen i mas sanapim tupela bokis kontribusen; long wanpela ol i mas raitim “KONTRIBUSEN BILONG HELPIM WOK BILONG KINGDOM,” na long narapela, “MANI I GO LONG SOSAITI BILONG WOKIM OL HAUS KINGDOM.” Sapos ol elda i ting i gat wok long putim narapela bokis gen, ol i ken mekim sapos kongrigesen i gat wok long en, olsem bilong wokim Haus Kingdom samting. Long pinis bilong mun yupela mas salim olgeta kontribusen yupela kisim long bokis i gat rait “MANI I GO LONG SOSAITI BILONG WOKIM OL HAUS KINGDOM” long en, i go long brens-ofis. Tasol mani yupela i kisim long bokis i gat rait “KONTRIBUSEN BILONG HELPIM WOK BILONG KINGDOM” long en, em i mani bilong kongrigesen, na kongrigesen yet i ken mekim wok long en. Sapos Sosaiti i toksave long sanapim wanpela bokis kontribusen bilong sampela samting ol i makim, i no stret sapos ol elda i tok ol i no laik mekim long kongrigesen bilong ol. Na i no stret sapos wanpela brata i kisim mani ol i putim pinis long wanpela bokis kontribusen na em i makim dispela mani long narapela wok. Taim yumi tromoi kontribusen long narapela narapela bokis yumi wan wan i makim wanem wok ol i mas mekim long dispela mani.

◼ Taim wasman sekit i kam lukim kongrigesen i no gat namba tu klas bilong Skul Bilong Wok Autim Tok. Olgeta i mas stap long Haus Kingdom bilong harim olgeta tok bilong dispela miting.

◼ Sapos yumi laik wokim gen sabskripsen bilong Wastaua na Kirap! na yumi save bung wantaim wanpela kongrigesen, yumi no ken salim sabskripsen i go stret long brens-ofis. Nogat. Yumi mas givim long brata i lukautim ol sabskripsen long kongrigesen. Long OLGETA WAN WAN WIK em i mas salim ol dispela sabskripsen i go long Sosaiti na em i no ken wet inap long pinis bilong mun. Em i mas salim ol pepa bilong sabskripsen wantaim sek o mani o stem samting i stret long sabskripsen na pepa S-AB-20.

◼ Mipela i gat yet 80 Yearbook bilong 1978. Em i stori long wok bilong ol Witnes Bilong Jehova long Papua Niugini inap long dispela yia. Mipela i ting planti ol brata na ol nupela i amamas long kaunim dispela buk. Yu ken kisim long K1.00 (ol painia long 50t). Yu mas putim oda long kongrigesen bilong yu; yumi olgeta wan wan i no ken salim oda i go stret long Sosaiti.

◼ Ol Buk Yu No Inap Kisim Gen:

Tok Inglis: Bible Topics for Discussion; Watchtower Binder; Awake! Binder; Tok Motu: Bible Ena Hereva Badadia; Hiri Motu Dictionary; Tok Pisin: Rot Bilong i Stap Amamas Taim Yu Yangpela Yet; Bel Isi na Gutpela Sindaun​—⁠Bai Kamap Olsem Wanem?; Jacaranda Pidgin Dictionary.

◼ Nau Asosiesen i no wokim moa ol volyum bilong Wastaua na Kirap! long tok Pisin na tok Motu. Kirap long ol Wastaua bilong 1992 yupela inap kisim 24 magasin insait long wanpela karamap, kain olsem volyum. Long olgeta tupela tupela yia bai mipela wokim kain karamap olsem bilong Kirap! long tok Pisin. Olsem: Yupela inap kisim ol Kirap! bilong 1992 na 1993 insait long wanpela karamap long pinis bilong 1993. Pe bilong ol dispela kain volyum em K6.00 bilong ol pablisa na painia. (HARIM: Kirap! long tok Motu ol i wokim fopela taim tasol long yia, bai ol i wokim yet olsem volyum long olgeta tupela tupela yia na i gat 8-pela magasin long en, olsem 1992 na 1993 i stap wantaim. Pe bilong en K3.00 bilong ol pablisa na painia.) Ol dispela samting i gat lo bilong baim kwik na yu mas putim oda long rot bilong kongrigesen tasol. Mipela i no inap long stretim ol oda yupela putim pinis long volyum samting inap long Ogas-Septemba 1993 na mipela tok sori long dispela.

◼ Sapos yu ringim brens-ofis long samting bilong kongrigesen, yu mas ring long taim bilong wok tasol. Plis no ken ring paslain long 8 klok long moning o bihain long 5 klok apinun long Mande i go inap long Fraide. Na no ken ring long belo namel long 12 na 1 klok. Na tu, no ken ring long Sarere apinun na Sande. Ol brata sista i no wok long ofis long dispela taim. Tru, sapos i gat wanpela bikpela hevi i kamap na wantu Betel i mas save long dispela samting yu ken ring long olgeta taim.

◼ Samting bilong tilim long Jun: Buk Nambawan Man Tru long K3.00.

◼ Samting bilong tilim long Julai: Wanpela bilong ol dispela buklet: God Triwan, Stap Amamas, Harim!, Gavman, Tru God I Save Tingim Yumi?, Tewel Bilong Ol Daiman ol wan wan long 30 toea.

◼ Samting bilong tilim long Ogas na Septemba: Buk Stap Oltaim long K3.00.