Ol Ripot Bilong Autim Tok Long Longwe Teritori
Long 1992 Sosaiti i bin makim wankain teritori long ol kongrigesen na dispela i bin helpim wok bilong mekim gobek na Baibel-stadi i kamap gutpela moa. Taim yumi wok long longwe teritori long yia i go pinis, namba bilong ol buk na magasin samting yumi bin tilim i go antap, na ol aua tu. Lista i stap daunbilo i soim yumi long ol wok yumi bin mekim long tupela yia i go pinis.
1991 1992
Ol ripot mipela i kisim: 41 55
Ol Samting Yumi Tilim:
Ol Buk 348 545
Ol Buklet 1,001 1,402
Ol Magasin 2,049 3,008
Ol Wok Yumi Bin Mekim:
Ol Pablisa 677 961
Ol Aua 3,804 6,060
Ol Sabskripsen — 9
Ol Gobek 251 707
Ol Baibel-stadi — 74
Long yia i go pinis ol kongrigesen i go long planti nupela hap long ol longwe teritori. Sampela kongrigesen i wokabaut planti kilomita bilong i go long teritori, na sampela brata i bin pul long liklik kanu inap tupela de na wanpela nait bilong kamap long teritori bilong ol. Planti kongrigesen i go tupela taim long teritori Sosaiti i bin makim bilong ol na ol i mekim ol gobek na Baibel-stadi wantaim ol man i bin harim tok. Sampela kongrigesen i bin givim bel tru na ol i stretim rot na bai PMV i ken bringim ol i go long teritori bilong ol. Ol dispela brata i mekim gutpela pasin tru, long wanem, ol i redi long lusim mani na ol samting bilong ol long autim tok bilong Kingdom long ol manmeri i stap long ol longwe teritori.
Yumi ken luksave, Jehova i bin blesim wok long longwe teritori bilong tupela yia i go pinis na mipela i beten askim em long blesim yet ol wok i kamap long ol mun bihain, taim ol brata i autim tok gen long ol hap i stap longwe.
This is a repeat of article in km 6/92, unique to PNG.