Ol Toksave

◼ Samting bilong tilim long Janueri: Ol buk i gat 192 pes long en, em kongrigesen i holim, olsem: Bel Isi na Gutpela Sindaun​—⁠Bai Kamap Olsem Wanem?, Rot Bilong i Stap Amamas Taim Yu Yangpela Yet, Yumi Bilong i Stap Nau Tasol?, long 25 toea. Februeri: Buk Yu Inap i Stap Oltaim Long Paradais Long Graun, long K3.00. Gutpela yu go bek lukim ol man i kisim dispela buk na wok long kirapim Baibel-stadi. Mas: Bai mipela i toksave. Epril na Me: Sabskripsen bilong Wastaua long K6.00, na sabskripsen bilong Kirap! long K3.00. HARIM: Sapos kongrigesen i no putim yet oda bilong ol dispela buk bilong tilim, orait putim oda long pepa Literature Order (S-AB-14).

◼ Olsem Wok Kingdom Bilong Yumi i makim, long olgeta wik bilong dispela mun i gat Miting Bilong Wok Autim Tok. Tasol ating kongrigesen i mas senisim sampela hap bilong ol miting, long wanem, ol bai go long “Pret Long God” Kibung Distrik. Wik bihain long kibung, inap 30 minit, kongrigesen i ken mekim rivyu long ol bikpela tok i bin kamap long kibung. Paslain long taim bilong kibung, tokim tupela o tripela strongpela brata long redi gut na bai ol i ken stori long ol bikpela tok i bin kamap long ol wan wan de bilong kibung. Dispela rivyu bai helpim kongrigesen long tingim bek ol bikpela tok ol i ken bihainim na mekim wok long en taim ol i autim tok. Taim ol brata sista i kamapim sampela tok na ekspiriens, ol i mas mekim liklik tok tasol na i mas klia.

◼ Kongrigesen i mas stretim rot bilong mekim Memorial. Long dispela yia em bai kamap long Fraide, Epril 14, taim san i go daun pinis. Gutpela sapos olgeta wan wan kongrigesen i ken mekim Memorial long Haus Kingdom bilong ol yet, tasol ating sampela bai i no inap. Sapos tupela o tripela kongrigesen i save bung long wanpela Haus Kingdom, ating gutpela sapos wanpela o tupela kongrigesen i mekim Memorial bilong ol long narapela hap. Na i no gutpela sapos Memorial i kirap bihain bihain tumas long taim san i go daun pinis na ol nupela man i hatwok long kam. Na tu, taim kongrigesen i pinisim Memorial bilong ol, i no gutpela sapos kwiktaim narapela kongrigesen i kirapim Memorial bilong ol​—⁠namel long tupela miting i mas i gat hap taim bilong sekanim ol nupela man, na stretim tok wantaim sampela bilong helpim ol long kisim sampela save moa, na strongim bel bilong ol narapela narapela. Ol elda i mas skelim gut ol dispela samting, na ol i mas stretim rot bambai Memorial i ken helpim tru ol man i kam bung.

◼ Kirap long Februeri, ol wasman sekit bai mekim nupela pablik-tok, “Bilong Wanem Jehova i Mas i Stap Ples Hait Bilong Yumi?”

◼ Wanpela bikpela pablik-tok bai kamap long olgeta kongrigesen, long Sande, Epril 23, 1995. Nem bilong tok, “Klostu Nau Ol Lotu Giaman Bai Pinis.” Ol man i kam long Memorial long dispela yia, singautim ol i kam harim dispela tok. Mipela bai mekim bikpela wok bilong helpim planti milion manmeri em yumi stadi wantaim ol long Baibel. Taim pablik-tok i pinis, bai yumi harim sampela tok bilong kirapim ol Baibel-stadi, na ol brata sista tu, long wetim wanpela liklik nius bilong ol i ken tilim. Na tok bai kamapim sampela hevi i save painim planti manmeri, na ol i mas tingting strong long mekim wok olsem Baibel i makim.

◼ Ating olgeta kongrigesen i putim pinis yia-teks bilong 1995 insait long Haus Kingdom bilong ol. Wasman siaman i mas lukautim wok bilong mekim dispela samting.

◼ Kirap long mun Februeri, Wok Kingdom Bilong Yumi bai i gat nupela stail bilong en. Dispela bai helpim gut ol brata sista taim ol i kaunim. Ol bikpela stori bai stap long namba wan pes; ol tok yumi ken mekim wok long en taim yumi autim tok bai stap long laspela pes. Klostu olgeta stori bai pinis long pes ol i kirap long en. Program bilong Miting Bilong Wok, sedyul bilong Buk-Stadi Bilong Kongrigesen, Ripot Bilong Wok, Ol Toksave, Sampela Stori Long Wok Bilong Kingdom, Askim, bai ol i stap insait long Wok Kingdom, olsem long pes 2 na 3. Ol dispela samting bai mekim Wok Kingdom Bilong Yumi i luk naispela na helpim gut yumi long mekim wok bilong autim gutpela tok bilong Kingdom na kamapim disaipel.

◼ Sosaiti i no ken wokim moa ol volyum bilong Wastaua na Kirap! long tok Motu na tok Pisin o putim long strongpela karamap, kain olsem volyum. Olsem na mipela laik kirapim olgeta brata sista long bungim olgeta Wastaua na Kirap! bilong ol bilong putim long laibreri bilong ol yet. Mekim olsem, kirap long ol magasin bilong Janueri 1995. Bilong kisim ol karamap nating (magazine file case), yu ken putim oda long rot bilong kongrigesen olsem bipo yu bin mekim.

◼ Nupela Buk Yu Inap Kisim:

Tok Inglis: Watch Tower Publications Index 1991-1993.