Ol Toksave

◼ Samting bilong tilim long Epril na Me: Sabskripsen bilong Wastaua long K8.00, na sabskripsen bilong Kirap! long K4.00. Jun, Julai, Ogas: Buk Yu Inap i Stap Oltaim Long Paradais Long Graun, long K2.00. HARIM: Sapos kongrigesen i no putim yet oda bilong dispela buk bilong tilim, orait putim oda long pepa Literature Order (S-AB-14).

◼ Olsem mipela toksave pinis, long Sande, Epril 23, taim miting bilong kongrigesen i pinis o program bilong kibung sekit o bikpela de kibung i pinis, bai ol i kamapim wanpela Kingdom Nius. Taim yupela i kisim pinis, yupela i ken kirap long tilim. OLGETA kongrigesen i ken kirap mekim olsem, maski kongrigesen i mas senisim taim bilong miting bilong ol, long wanem, kibung i kamap o wasman sekit i kam o sampela narapela samting i kamap. Sapos kongrigesen i mekim bikpela pablik-tok bihain long Epril 23, ol i ken kamapim dispela nius long Epril 24 na kirap long tilim.

◼ Kirap long Mas 1, pe bilong ol buk samting i senis na ating yupela i kirap pinis long tilim long nupela pe. Sapos yu no save gut long dispela nupela pe, gutpela sapos yu go lukim brata i lukautim ol buk samting o wasman bilong wok autim tok. Dispela bai helpim yumi olgeta long stap wanbel long mekim wok.