Askim

◼ Yumi mas mekim ol Buk-Stadi Bilong Kongrigesen long wanem kain taim?

Kongrigesen i save putim sampela Buk-Stadi long ol narapela narapela hap insait long teritori bilong kongrigesen na bai i no hatwok long ol man i go long en​—⁠nogut olgeta brata i bung long Haus Kingdom. Ol i mas makim taim bilong mekim ol wan wan Stadi i stret long ol pablisa em ol i bin makim ol long go long ol dispela Stadi. Ating ol i ken putim Stadi long wanpela apinun namel long wik, taim i no gat ol narapela miting o bung bilong i go autim tok. Tasol bilong helpim ol lapun i pret long raun long tudak, na ol man i wok skin long nait, ating gutpela sapos ol i putim wanpela Stadi long san. Sampela taim, i stret ol i mas putim Stadi long Sarere o Sande long san.

Ol elda i ken givim sampela askim long ol brata sista na bai ol i ken save, “wanem taim i stret long ol pablisa bilong kongrigesen” na ol nupela man tu. (om p. 62) Hap taim ol elda i makim bilong mekim Buk-Stadi em i no ken katim taim ol i makim bilong i go autim tok o sotim taim bilong autim tok.

This is a repeat of article in km 10/94 taken from km-E 4/94 “Question Box.”