Ol Toksave

◼ Ol samting bilong tilim long Septemba: Buk Yu Inap i Stap Oltaim Long Paradais Long Graun long K2.00. Oktoba: Sabskripsen bilong Wastaua na Kirap! Novemba: Buk Yu Inap i Stap Oltaim Long Paradais Long Graun. Disemba: Wanpela bilong dispela tupela buk. Nambawan Man Tru i Winim Olgeta Narapela Man, Baibel Stori Buk Bilong Mi; sapos i orait long yu tilim, tilim Baibel New World Translation. Janueri: Wanpela bilong ol liklik buk em pe i daun, sapos i gat sampela i stap yet long kongrigesen, o buk Yu Inap Stap Oltaim Long Paradais Long Graun.

◼ Wasman siaman o brata em siaman i makim, em i mas skelim ol akaun bilong kongrigesen long Septemba 1 o mekim kwiktaim bihain long en. Taim em i mekim pinis, orait toksave long kongrigesen.

◼ Mipela i laik kirapim ol elda long bihainim ol tok i stap long Wastaua (tok Inglis), Epril 15, 1991, pes 21-23. Em i stori long ol man i bin raus o ol i bin rausim ol yet, em ol elda i ting ol i gat laik long kam bek.

◼ Ol manmeri i save bung wantaim wanpela kongrigesen na i laik kisim sabskripsen bilong Wastaua na Kirap!, ol i mas kisim long rot bilong kongrigesen​—⁠em ol nupela sabskripsen na ol sabskripsen bilong kisim gen, na ol sabskripsen bilong ol yet.

◼ Ol wan wan pablisa i no ken salim oda bilong buk samting i go long Sosaiti. Paslain long kongrigesen i salim oda bilong litresa i go long Sosaiti long olgeta mun, wasman siaman i mas stretim rot bilong mekim toksave long dispela samting long olgeta mun. Orait nau ol brata sista i laik kisim ol buk samting ol i ken toksave long brata i lukautim litresa. Plis tingim gut wanem wanem ol buk i gat lo bilong baim kwik.

◼ Daunbilo em lista bilong ol nupela ples na ol det bilong “Bihainim Rot God i Makim” Kibung Distrik Bilong 1998 long Papua Niugini. Long sampela hap, bai i gat tupela de kibung i kamap.