Ol Toksave

◼ Ol samting bilong tilim long Oktoba: Sabskripsen bilong Wastaua na Kirap! (Wastaua bilong wanpela yia long K10.00 na 6-pela mun long K5.00. Na Kirap! bilong wanpela yia long K5.00 na bilong 6-pela mun long K2.50). Novemba: Buk Yu Inap i Stap Oltaim Long Paradais Long Graun. Disemba: Wanpela bilong dispela tupela buk: Nambawan Man Tru i Winim Olgeta Narapela Man, na Baibel Stori Buk Bilong Mi; sapos i orait long yu tilim Baibel New World Translation yu ken tilim. Janueri: Wanpela bilong ol liklik buk em ol i daunim pe bilong en, sapos i gat sampela i stap yet long kongrigesen, o buk Yu Inap i Stap Oltaim Long Paradais Long Graun. Februeri: Wanpela bilong ol buk em ol i daunim pe bilong en, o buk Stap Oltaim.

◼ Mipela i putim wantaim dispela Wok Kingdom, “Sedyul Bilong Skul Bilong Wok Autim Tok Bilong 1999,” na yupela i mas putim gut dispela pepa bilong mekim wok long en long 1999.

◼ Sapos taim bilong ol miting long kongrigesen bilong yupela bai senis long Janueri 1, ating yupela i ken putim oda bilong kisim ol nupela pepa bilong singautim ol man i kam long miting.

◼ Sosaiti i salim ol pepa bilong singautim ol man i kam long Memorial long 1999 wantaim ol pepa bilong kongrigesen Sosaiti i save salim long olgeta yia. Sapos sampela man i stap long teritori bilong yupela i save mekim ol narapela tok ples na yupela i laikim sampela pepa long ol dispela tok ples, orait yupela i ken putim oda kwik long pepa Literature Request Form (S-AB-14). Yupela inap kisim dispela pepa long Tok Inglis, Hiri Motu, na Tok Pisin. Plis yupela i mas kisim tasol ol pepa long ol tok ples yupela bai mekim wok long en long teritori bilong yupela.

◼ Ol kongrigesen i ken kirap nau long putim oda long buklet Skelim Sampela Tok Bilong Baibel Long Olgeta De bilong 1999 wantaim oda bilong ol buk samting bilong Oktoba. Yupela inap kisim dispela buklet long Tok Pisin, Hiri Motu, na Tok Inglis, na tu long ol narapela tok ples. Plis putim oda long ol tok ples yupela i laik kisim dispela buklet long en, na sapos i gat, bai mipela i salim i kam. Inap long dispela buklet i redi na mipela i salim i kam, mipela bai raitim pepa Invoice, bilong kongrigesen olsem “Mipela bai salim bihain.” Buklet Skelim Sampela Tok Bilong Baibel Long Olgeta De i gat lo bilong baim kwik (ol pablisa na ol narapela: 70 toea; ol painia 70 toea). Ol painia oltaim na painia salim i kirap mekim dispela wok paslain long Julai 1, 1998, ol i ken kisim wanpela, no gat pe, na sapos ol i laik kisim sampela moa ol i mas baim long 70 toea. Long Pepa Bilong Salim Mani na Singaut Long Kredit yupela i salim long olgeta mun, yupela i mas raitim hamas buklet ol painia i kisim nating.​—⁠Lukim Lista Bilong Ol Buk Samting bilong 1998, paragraf 26.