Tilim Buk Stap Oltaim Long Olgeta Kain Man
1 Long mun Februeri, bai yumi tilim buk Stap Oltaim long olgeta kain man. Taim yu autim tok, yu ken traim long mekim tok olsem i stap daunbilo:
2 Taim yu bungim wanpela yangpela, yu ken tok:
◼ “Planti yangpela i gat wankain krismas olsem yu ol i laik save, yumi stap bilong mekim wanem? Tasol yu inap kisim we ol gutpela tok bilong helpim yu long save long dispela samting? [Larim em i bekim tok.] Planti yangpela i save tok ol i no save ol i stap bilong mekim wanem? Mi laik soim yu ol tok dispela buk i mekim long dispela samting.” Opim buk Stap Oltaim long pes 69, na kaunim paragraf 1 na 2. Stori long piksa i stap long pes 69. Stori olsem dispela sapta long buk Stap Oltaim bai bekim dispela askim olsem yumi stap bilong mekim wanem? Tilim buk long K2.00 na stretim tok long go bek.
3 Taim yu toktok wantaim wanpela papa o mama, yu ken tok:
◼ “Mipela i toktok wantaim ol papamama long sampela gutpela tok bilong helpim tru ol long mekim bikpela long ol pikinini. Ol dispela tok i stap insait long dispela buk Yu Inap i Stap Oltaim Long Paradais Long Graun.” Opim buk long pes 245. Kaunim sampela hap bilong paragraf 20 na 21. Skruim tok moa olsem: “Dispela sapta long buk i bin helpim planti papamama long mekim wok bilong ol i kamap gutpela moa. Sapos yu laik kisim dispela buk, bai mi amamas long tilim long yu long K2.00 tasol.”
4 Taim yu toktok wantaim wanpela lapun, yu ken tok:
◼ “Taim mi kaunim pinis dispela sotpela tok, na yu lukim dispela piksa, plis tokim mi yu gat wanem tingting long dispela.” Opim buk Stap Oltaim long pes 10 na kaunim paragraf 11, na soim em long piksa i stap long pes 11. Kirapim man long bekim askim bilong yu. Taim em i bekim tok pinis, yu ken kaunim wanpela skripsa long pinis bilong paragraf 11 o kamapim sampela tok moa long pes 10. Tilim buk long K2.00 na stretim tok long mekim gobek.
5 Taim yu go bek lukim man i kisim buk Stap Oltaim, yu mas tingting long kirapim Baibel-stadi wantaim em. Stadi 8 long buklet Yumi Mas Mekim Wanem? o sapta 15 long buk Save, ating em ol gutpela tok bilong kirapim stadi long en. Taim yumi mekim olsem, yumi mas wok strong long helpim olgeta kain man long kamap wanpela famili Kristen i stap amamas.
This article is unique to PNG.