Mekim Gutpela Wok Long Ol Olpela Nius

Ol tok insait long ol olpela Wastaua na Kirap! em i gutpela yet bilong helpim ol man na em i bikpela samting yet. Olsem na yumi no ken surik long tilim ol olpela nius, maski ol i bilong sampela mun i go pinis. Sapos ol nius i stap gutpela yet na ol i no bagarap yumi ken tilim long ol man. Sapos yumi larim ol olpela nius i hip hip i stap na yumi no mekim wok long ol, dispela i kamapim klia olsem yumi no ting ol dispela nius ol i gutpela samting. Olgeta wan wan nius i gat ol tok i tru long en em inap long kirapim tingting bilong ol man, na inapim laik bilong ol long ol samting bilong spirit. Yumi no ken putim ol olpela nius long wanpela hap na lusim tingting long ol, nogat; i gutpela moa long yumi tilim ol long ol man long teritori bilong yumi.

Taim sampela brata i tilim ol nupela magasin ol i save putim wanpela olpela magasin wantaim ol nupela magasin na tilim. Lukim ol stori i stap long ol olpela nius bilong yu. Yu ting sampela bilong ol dispela stori ol i stret long sampela man long ples wok o long skul bilong yu? Olsem wanem? Yu bin tokim ol Baibel-stadi bilong yu em ol i wok long kamap strong olsem ol i ken stori long samting ol i bin lainim long famili na pren bilong ol long rot bilong ol dispela nius? Yumi ol man bilong autim gutnius i mas mekim gutpela wok long ol olpela nius.

This article is unique to PNG.