Ol Nupela Program Bilong Kibung Bilong 2001
1 Ol lain bilong dispela graun i laik pulim yumi na bai yumi lusim pasin bilong pas gut wantaim Jehova. (Jo 17:14) Bilong strongim pasin bilong yumi long laikim Jehova na lotuim em na bilong strongim yumi long sakim ol samting bilong dispela graun inap bagarapim yumi long ol samting bilong spirit, yumi bai mekim ol nupela kibung sekit kirap long Februeri 2001, nem bilong en “Laikim God—No ken Laikim Ol Samting Bilong Graun.”—1 Jo 2:15-17.
2 Long dispela tok, “Pasin Bilong Laikim Tru God i Save Kirapim Yumi Long Mekim Wok Autim Tok,” yumi bai kisim save long hamas manmeri i bin winim pasin bilong sem na ol narapela samting i save mekim na ol i hatwok long autim tok, na nau ol inap insait tru long dispela wok. Wanpela tok, nem bilong en “Ol Man i Laikim Tumas Jehova Ol i Nolaik Tru Long Pasin Nogut” na tok i gat tripela hap, nem bilong en “Ol Samting Bilong Dispela Graun—Yu Ting Olsem Wanem Long Ol?” bai helpim yumi long strong long sakim ol laik nogut. Pablik-Tok, nem bilong en “Olsem Wanem Pasin Sori na Pasin Bilong Bilip Bai Winim Strong Bilong Dispela Graun,” bai strongim yumi long bihainim pasin bilong Jisas na sakim ol tingting bilong graun.—Jo 16:33.
3 Kirap long Februeri 2001 bai i gat ol bikpela de kibung, nem bilong en “Tingting Bilong Yupela i Mas Kamap Olsem Tingting Bilong Ol Man i Bikpela Pinis.” (1 Ko 14:20) Dispela kibung bai helpim yumi long sakim ol pasin nogut bilong graun, na bilong mekim olsem yumi mas lain long mekim gutpela pasin na winim pasin nogut na stap gut long Jehova.
4 Wasman sekit bai mekim tok, nem bilong en “Ol Samting Bilong Helpim Yumi Long Kisim Tingting Bilong Man i Bikpela Pinis.” Em bai stori long olsem wanem yumi ken strongim bilip Kristen bilong yumi. Ol yangpela tu i mas lain long wokim tingting na kisim gutpela save. Yumi bai harim tok bilong dispela samting long narapela tupela tok, nem bilong ol “Bilong Wanem Yumi Mas i Stap Olsem Liklik Pikinini Long Olgeta Pasin Nogut?” na “Ol Yangpela i Kisim Gutpela Save Long Nau.”
5 Brata em brens-ofis i salim em bai mekim tok nem bilong en “Lainim Gut Tingting na Bai Yu Inap Lukautim Pasin Bilong Yu Long Tingim Ol Samting Bilong Spirit.” Long dispela tok em bai kamapim olsem pasin bilong mekim wok long ol as tingting bilong lo bilong Baibel na bihainim ol dispela tok, em i bikpela samting bilong lainim tingting bilong yumi. Olsem wanem yumi inap kisim bikpela amamas tru long i stap bilong yumi? Dispela brata em brens-ofis i salim em bai stori long dispela samting long laspela tok, nem bilong en “Bihainim Ol Tok Bilong Baibel Bilong Stiaim Tingting na Dispela Bai Helpim Yumi.”
6 Ol man i laik kisim baptais long ol dispela kibung, ol i mas toksave hariap long wasman siaman bilong kongrigesen o wasman sekit na bai ol i ken stretim ol samting. Yu mas singautim ol Baibel-stadi bilong yu i kam long kibung, na yu no ken lusim wanpela hap bilong dispela program em inap strongim tru bilip bilong yu!
This article is unique to PNG.