Ol Kontribiusen Bilong Sabskripsen

Yumi laik bai olgeta man i laik harim tok ol i ken kisim Wastaua na Awake! long olgeta taim. Taim pablisa i painim wanpela man i laik harim tok, em i ken kisim ol nupela nius i go long em long olgeta taim na long dispela rot em bai kirapim man long laikim gutnius. O sapos pablisa i ting dispela man i gat laik tru, orait em i ken tilim sabskripsen. Em i gutpela long nupela man i ken kisim sabskripsen bilong 6-pela mun pastaim, na bihain sapos em i gat laik tru orait em i ken kisim gen. Ol man i gat laik tru long kisim save, planti ol i save givim kontribiusen long helpim wok bilong yumi long olgeta hap. Sapos man i gat laik long harim tok em i no givim kontribiusen taim pablisa i tilim sabskripsen, dispela pablisa i gat wok nau long givim ol gutpela samting bilong em yet bilong givim biknem long Jehova.​—⁠Snd. 3:⁠9.

Mipela i laik kirapim ol pablisa long kisim magasin bilong ol yet long oda ol i bin putim long Haus Kingdom bilong kisim ol nius bilong tilim.

Sapos wanpela pablisa i laik kisim sabskripsen bilong em yet long rot bilong pos-ofis, kuskus i mas toksave long pablisa long pe bilong pos-ofis. Pablisa i ken givim pe bilong pos-ofis long kuskus na em bai putim dispela mani long bokis kontribiusen i gat nem “Ol Kontribiusen Bilong Helpim Wok Bilong Sosaiti Long Olgeta Hap​—⁠Matyu 24:14.” Long sabskripsen bilong ol magasin yumi save kisim 2-pela taim long mun, pe bilong pos-ofis bilong 6-pela mun long nau em K3.00, na bilong wanpela yia em K6.00. Harim: Dispela mani em bilong baim pe bilong pos-ofis tasol. Yumi ken givim tu kontribiusen bilong inapim pe bilong ol magasin.

Taim yumi tilim sabskripsen bilong Wastaua na Awake!, yumi ken save tru olsem ol man i kisim ol dispela gutpela nius long olgeta taim, ol bai i kisim bikpela helpim.

This article is unique to PNG.