Ol Toksave

◼ Samting bilong tilim long Novemba: Buklet God i Laik Yumi Mas Mekim Wanem? o buk Save i Bringim Man Long Laip Oltaim. Disemba: Buk Nambawan Man Tru i Winim Olgeta Narapela Man o Yu Inap i Stap Oltaim Long Paradais Long Graun. Janueri: Buk Yu Inap i Stap Oltaim Long Paradais Long Graun. Februeri: Buk Kamapim Tok Hait​—⁠Bikpela Samting Bilong En i Laik Kamap!

◼ Wasman siaman o wanpela brata em wasman i makim, em i mas skelim ol akaun bilong kongrigesen long Disemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Ol kongrigesen i ken kirap nau long putim oda bilong 2002 Yearbook of Jehovah’s Witnesses wantaim oda bilong ol buk samting bilong Novemba. Inap long taim ol Yearbook i redi na mipela i salim i kam, mipela bai raitim long pepa Packing List olsem “Mipela bai salim bihain.” Ol Yearbook em ol spesel rikwes aitem.

◼ Ol manmeri i save bung wantaim wanpela kongrigesen, na ol i laik kisim sabskripsen bilong Wastaua o Awake!, ol i mas kisim long rot bilong kongrigesen​—⁠ol nupela sabskripsen na ol sabskripsen bilong kisim gen, na ol sabskripsen bilong ol yet.

◼ Ol wan wan pablisa yet i no ken salim oda bilong ol buk samting i go long Sosaiti. Paslain long kongrigesen i salim oda bilong litresa i go long Sosaiti long olgeta mun, wasman siaman i mas stretim rot bilong mekim toksave long dispela samting long olgeta mun. Orait nau ol brata sista i laik kisim ol buk samting ol i ken toksave long brata i lukautim litresa. Tingim wanem ol buk samting i olsem spesel rikwes aitem.

◼ Bilong stretim wanpela toksave i stap long Wok Kingdom bilong Septemba, tingim olsem nau yumi no inap kisim moa sabskripsen bilong Kirap!, long wanem, nau yumi save kisim 4-pela Kirap! tasol long olgeta yia.

◼ Olgeta lain elda i mas ritim gut ol tok i stap long fom Bilong Toksave Olsem Man i Wok Painia (S-202-MP) bilong ol i ken save ol i mas mekim wanem taim wok painia bilong wanpela i pinis, o em i go long narapela kongrigesen, o nem bilong em i senis.

◼ Ol Nupela Nius Yu Inap Kisim:

Does Fate Rule Our Lives​—⁠Or Does God Hold Us Responsible? (bilong ol Muslim) (Nius namba 71)​—⁠Tok Inglis

◼ Ol Buk Samting Yu Inap Kisim Gen:

“All Scripture Is Inspired of God and Beneficial”​—⁠Tok Inglis

The Divine Name That Will Endure Forever​—⁠Tok Inglis

2001 Yearbook of Jehovah’s Witnesses—⁠Tok Inglis

◼ Ol Kaset Yu Inap Kisim Gen:

Ezra, Nehemiah, Esther​—⁠Tok Inglis