No Ken Surik

Em i gutpela tru long ol pablisa i tingim olsem ol i gat wok long givim kontribiusen bilong helpim wok autim tok long olgeta hap. Ol Witnes Bilong Jehova yet i save givim bikpela hap mani bilong helpim wok bilong Kingdom. Tasol taim wanpela man yumi bungim long taim bilong autim tok em i amamas long harim tok bilong Kingdom na em i laik kisim buk o nius samting na em i tok em bai ritim, orait yumi ken givim rot long em long givim kontribiusen long taim em inap givim. Taim man i gat laik long harim tok em i givim kontribiusen, ating dispela i soim olsem em i pilim tru wok oganaisesen bilong God i mekim bilong kamapim laik bilong Em. Jehova inap kirapim ol man bilong dispela graun long givim mani bilong helpim wok bilong Em, sapos Em i laik.

Olsem na yumi no ken surik long planim pikinini kaikai bilong Kingdom, long wanem, yumi sem long tokim ol man long pasin bilong givim mani bilong helpim dispela wok. Tasol yumi mas bihainim gutpela tingting bambai yumi no lusim nating ol buk na nius bilong yumi long “graun i gat ston.” (Mk. 4:​5, 6, 16, 17) Ol man i amamas long harim gutnius yumi bringim, ol bai amamas long givim mani bilong helpim dispela wok.​—⁠Skelim wantaim Matyu 10:42.

This article is unique to PNG.