Ol Toksave

◼ Samting bilong tilim long Oktoba: Nius Wastaua na Kirap! Sapos man i amamas long harim tok, tilim buklet Yumi Mas Mekim Wanem?, na wok strong long kirapim ol nupela Baibel-stadi. Novemba: Buklet God i Laik Yumi Mas Mekim Wanem? o buk Save i Bringim Man Long Laip Oltaim. Sapos man i holim pinis, orait tilim wanpela buk o buklet bilong bipo liklik. Sapos kongrigesen i no holim sampela buk o buklet bilong bipo liklik, askim ol kongrigesen i stap klostu olsem ol i gat sampela ol i ken givim long yupela. Disemba: Buk Nambawan Man Tru i Winim Olgeta Narapela Man o buk Yu Inap i Stap Oltaim Long Paradais Long Graun. Sapos kongrigesen i no holim buk Stap Oltaim, askim ol kongrigesen i stap klostu olsem ol i gat sampela em yupela i ken mekim wok long en. Janueri: Buk Rot Bilong Famili i Ken Stap Amamas.

◼ “Sediul Bilong Skul Tiokratik Bilong Autim Tok Bilong 2003” i stap insait long dispela Wok Kingdom. Yupela i mas putim gut bilong mekim wok long en long yia 2003.

◼ Olsem mipela i bin mekim long yia i go pinis, mipela bai salim buklet Skelim Sampela Tok Bilong Baibel Long Olgeta De​—⁠2003 long olgeta kongrigesen na grup, olsem na yupela i no gat wok long putim oda. Mipela bai salim wanpela buklet inap long olgeta wan wan pablisa. Sapos yupela laik kisim sampela buklet moa bilong ol pikinini i no pablisa o bilong ol Baibel-stadi, plis putim oda wantaim oda bilong ol buk samting bilong Oktoba. Inap long taim dispela buklet i redi na mipela i salim i kam, mipela bai raitim “Pending” long pepa Packing List bilong kongrigesen. Buklet Skelim Sampela Tok Bilong Baibel em spesel rikwes aitem. Tingim, ol kontribiusen yumi save givim bilong helpim wok bilong Sosaiti long olgeta hap, em i bilong baim ol samting bilong wokim kain buklet olsem.

◼ Sapos taim bilong ol miting bilong kongrigesen bilong yupela bai senis long Janueri 1, orait kuskus i ken putim pepa Handbill Request (S(d)-⁠16 Au) bilong kisim ol nupela pepa bilong singautim ol man i kam long ol miting. Yupela i mas putim oda inap 12-pela wik paslain long taim yupela i laik kisim.

◼ Ol Buk Yu Inap Kisim Gen:

Watchtower Publications Index 1986-2000​—⁠Tok Inglis