Ol Toksave

◼ Samting bilong tilim long Janueri na Februeri: Buk Rot Bilong Famili i Ken Stap Amamas. Mas: Buk Save i Bringim Man Long Laip Oltaim. Wok strong long kirapim ol Baibel-stadi. Epril na Me: Nius Wastaua na Kirap!

◼ Wanpela senis i kamap long pasin bilong mekim Skul Tiokratik Bilong Autim Tok long taim wasman sekit i kam lukim kongrigesen. Kirap long Janueri 2003, bihain long singsing na beten bilong kirapim miting, yupela bai mekim skul insait long 25 minit tasol. Bai i gat dispela tok Pasin Bilong Toktok, em bai inap 5-pela minit, Tok Namba 1 inap 10-pela minit, na kamapim ol bikpela tok bilong Baibel, em bai inap 10-pela minit. Ol sumatin bilong mekim asainmen namba 2, 3, na 4, ol bai i no inap mekim ol tok bilong ol. Taim skul i pinis, bai i gat Miting Bilong Wok inap long 30 minit. Bihain long wanpela singsing, bai i gat program bilong wasman sekit inap long 30 minit, na bihain singsing na beten bilong pinisim miting.

◼ Kirap long dispela Wok Kingdom, ol nem bilong ol nupela buk na nius samting ol man inap kisim bai i no inap kamap long ol Wok Kingdom. Tasol long olgeta mun, mipela bai salim “Toksave i Go Long Olgeta Kongrigesen,” na nem bilong ol nupela buk na nius ol man inap kisim bai stap long en. Plis tingim olsem taim yupela i kisim “Toksave i Go Long Olgeta Kongrigesen,” orait long narapela Miting Bilong Wok, yupela i mas toksave long ol buk na nius samting em kongrigesen bai laikim. Yupela i ken putim dispela toksave long notis-bot. Bihain brata i lukautim buk-rum i mas putim dispela toksave long fail bilong em.