Pasin Bilong Givim Bel i Save Kirapim Planti Brata

Aposel Pol i bin tok amamas long ol Korin, long wanem, pasin bilong ol long givim bel long mekim gutpela wok i bin “kirapim bel bilong planti” brata Kristen. (2 Ko. 9:⁠2) Planti taim sapos wanpela man, o wanpela famili, o wanpela Buk-Stadi grup, o wanpela kongrigesen olgeta i givim bel long mekim wok autim tok, dispela inap kirapim ol narapela long mekim wankain pasin. Sampela rot bilong kamapim pasin bilong yu long givim bel long mekim wok autim tok i stap daunbilo.

◼ Makim ol Sarere olsem De Magasin bilong yu.

◼ Mekim sampela wok bilong autim tok long ol Sande.

◼ Traim long autim tok long apinun long 5 klok samting.

◼ Insait long ol bikpela de bilong autim tok em kongrigesen i makim.

◼ Mekim wok autim tok long malolo yu kisim long wok o skul.

◼ Autim tok wantaim kongrigesen taim wasman sekit i kam lukim kongrigesen.

◼ Mekim wok painia haptaim long wanpela o sampela mun long yia.

◼ Sapos yu inap, stretim sindaun bilong yu bambai yu inap mekim wok painia oltaim.

Lukim 2000 Yearbook of Jehovah’s Witnesses, pes 17-19.

This is a repeat of article in km 4/00 taken from km-E 4/00 “Zeal That Stirs Up the Majority”