Ol Toksave

◼ Samting bilong tilim long Disemba: Buk Nambawan Man Tru i Winim Olgeta Narapela Man. O yu ken tilim Baibel Stori Buk Bilong Mi o buk Yu Inap i Stap Oltaim Long Paradais Long Graun. Janueri: Wanpela bilong ol buk ol i bin wokim paslain long 1988 na kongrigesen i gat sampela i stap yet. Sapos yupela i no gat sampela bilong ol dispela buk, sekim ol narapela kongrigesen i stap klostu sapos ol i gat planti na yupela i ken mekim wok long en. Sapos i no gat ol dispela olpela buk orait tilim buk Save. Februeri: Buk Kamapim Tok Hait​—⁠Bikpela Samting Bilong En i Laik Kamap! Mas: Buk Save i Bringim Man Long Laip Oltaim. Wok strong long kirapim ol Baibel-stadi. Sapos ol man i gat dispela buk pinis, orait yu ken tilim buk Putim Yau Long Tok Profet Bilong Daniel!

◼ Ol brata i lukautim akaun bilong kongrigesen i mas tingim olsem: Long olgeta mun, ol i mas salim ol kontribiusen ol i kisim long bokis Ol Kontribiusen Bilong Helpim Wok Long Olgeta Hap na Kontribiusen Bilong Wokim Ol Haus Kingdom i go long brens. Ol i no ken yusim dispela kontribiusen long bekim dinau bilong Haus Kingdom, o baim rent, o long mekim ol narapela wok bilong kongrigesen.

◼ Klostu nau bai mipela i salim pepa bilong singautim ol man i kam long Memorial bilong yia 2004, long kongrigesen. HARIM: Ol dispela pepa bai kam wantaim ol fom bilong kongrigesen em Sosaiti i save salim long olgeta yia. Sapos yupela i laik kisim sampela pepa bilong singautim ol man long Memorial long ol narapela tok ples em ol man long teritori bilong yupela i save mekim, orait yupela i mas putim oda kwik long pepa Literature Request Form (S-14-E Pp).

◼ Plis tingim olsem Memorial bilong yia 2004 bai kamap long Sande, Epril 4, taim san i go daun pinis. Memorial em i bikpela samting, olsem na taim ol elda i makim brata bilong mekim tok, ol i mas makim wanpela brata em inap tru long mekim dispela tok​—⁠ol i no ken senis senis long mekim tok o makim wanpela brata tasol long mekim tok long olgeta yia.

◼ Yupela i ken surikim miting bilong olgeta yia em ol elda i save mekim wantaim ol painia oltaim i go long Janueri o Februeri, sapos kibung distrik i pasim yupela long mekim dispela miting long Disemba.