Ol Toksave

◼ Samting bilong tilim long Me: Wastaua na Kirap! Taim yumi mekim gobek long ol man i amamas long harim tok, o go lukim ol man i kam long Memorial na ol man i kam long ol kibung bilong yumi, tasol ol i no save kam long ol miting samting, orait wok strong long tilim buk Lotuim God. Yumi mas wok strong long kirapim Baibel stadi, na moa yet long ol man i bin stadi pinis long buk Save na buklet Yumi Mas Mekim Wanem? Jun: Buk Yu Inap i Stap Oltaim Long Paradais Long Graun wantaim buklet Yumi Mas Mekim Wanem? Taim yu tilim buklet, wok strong long kirapim Baibel stadi. Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu? Tru Ol i Stap o Nogat?

◼ Wasman siaman o wanpela brata em wasman i makim, em i mas skelim ol akaun bilong kongrigesen long Jun 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Sapos yu givim sek olsem kontribiusen na putim long bokis kontribiusen bilong helpim wok long olgeta hap na long bokis Kontribiusen Bilong Wokim Ol Haus Kingdom, orait yu mas raitim akaun nem bilong kongrigesen yu stap long en. Olsem, “Kongrigesen Kavieng Bilong Ol Witnes Bilong Jehova.” Ol kontribiusen yu givim long rot bilong sek long kibung distrik o salim i go long brens ofis, yu mas raitim “International Bible Students Association” o “IBSA” long en. Atres bilong brens ofis bilong salim ol sek samting long en em International Bible Students Association, P.O. Box 636, Boroko, NCD 111.

◼ Long Sediul bilong Skul Tiokratik Bilong Autim Tok long 2004, toksave bilong mekim Ol Bikpela Tok Yumi Ritim Long Baibel i soim olsem long 10 minit ol i makim bilong mekim dispela tok, 4-pela minit i bilong ol odiens long bekim tok. Askim odiens long kamapim sotpela tok (no ken winim 30 sekon) long ol samting ol i ritim long Baibel na olsem wanem em i helpim ol. Dispela i senisim tupela askim ol i save kamapim long 2003.