Ol Toksave

◼ Samting bilong tilim long Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu? Tru Ol i Stap o Nogat? Septemba: Buk Rot Bilong Famili i Ken Stap Amamas. Oktoba: Wastaua na Kirap! Sapos man i gat laik long kisim save moa, orait yusim buklet Yumi Mas Mekim Wanem? Go bek lukim man na tingting strong long kirapim Baibel stadi. Novemba: Buk Go Klostu Long Jehova.

◼ Wasman siaman o wanpela brata em wasman siaman i makim i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Ol kongrigesen i mas kirap nau long putim oda long 2005 Calendar of Jehovah’s Witnesses, na 2005 Yearbook of Jehovah’s Witnesses wantaim oda bilong neks mun. Mipela bai salim buklet Skelim Sampela Tok Bilong Baibel Long Olgeta De—2005 long olgeta kongrigesen na grup inap long olgeta wan wan pablisa. Tasol sapos yupela i laik kisim sampela moa bilong ol pikinini na ol man yumi stadi wantaim, orait putim oda long pepa Literature Request Form (S-14-E).

◼ Long Ogas 31, 2004 o kwiktaim bihain long dispela de, ol brata i lukautim buk rum i mas kaunim hamas buk na nius i stap long kongrigesen. Dispela wok i wankain olsem wok em kodineta bilong buk rum i save mekim long pinis bilong olgeta mun, na yupela i mas raitim namba bilong ol buk na nius long pepa Bilong Kaunim Ol Litresa (S-18-MP). Ol brata i lukautim ol magasin i ken tokim kodineta bilong buk rum long hamas magasin olgeta i stap. Kuskus bilong kongrigesen bilong stretim oda bilong litresa i mas bosim dispela wok. Em na wasman siaman bilong kongrigesen bai sainim dispela fom. Ol kongrigesen bilong stretim oda bilong litresa bai kisim 3-pela bilong dispela fom (S-18-MP). Plis salim namba wan kopi long brens ofis paslain long Septemba 6. Putim namba tu kopi long fail bilong kongrigesen. Namba tri kopi em bilong mekim wok long en taim yupela i wok long kaunim ol buk samting.

◼ Miting Bilong Olgeta Yia Bilong International Bible Students Association of Papua New Guinea Incorporated bai kamap long Sarere, Oktoba 2, 2004, long 4:00 p.m. long brens ofis.

◼ Long wik i kirap long Oktoba 18, 2004 bai yumi kirap stadi long nupela buk Go Klostu Long Jehova long ol Buk Stadi Bilong Kongrigesen. Ol kongrigesen na grup i laik kisim dispela buk Go Klostu Long Jehova ol i mas putim hariap oda bilong kisim. Long wik i kirap long Oktoba 11, 2004, mekim riviu long buk Famili i Ken Stap Amamas. Mekim wok long ol blok bilong riviu i stap long pinis bilong olgeta wan wan sapta bilong buk olsem riviu.