Ol Toksave

◼ Samting bilong tilim long Septemba: Buk Rot Bilong Famili i Ken Stap Amamas. Oktoba: Wastaua na Kirap! Sapos man i gat laik long kisim save moa, orait yusim buklet Yumi Mas Mekim Wanem? Go bek lukim man na tingting strong long kirapim Baibel stadi. Novemba: Buk Go Klostu Long Jehova. Disemba: Buk Baibel Stori Buk Bilong Mi o buk Nambawan Man Tru i Winim Olgeta Narapela Man.

◼ Yumi bai stori long vidio No Blood—Medicine Meets the Challenge long Miting Bilong Wok long Disemba. Sapos yupela i laik kisim sampela moa, orait putim oda hariap bilong kisim dispela vidio kaset.

◼ Taim wasman siaman i kisim Congregation Statement long olgeta wan wan mun, orait long Miting Bilong Wok long wik bihain i mas i gat wanpela toksave long kongrigesen long ol Kontribiusen Bilong Wokim Ol Haus Kingdom, na bilong helpim wok long olgeta hap, na bilong bekim dinau ol i kisim o bilong baim rent bilong Haus Kingdom.

◼ Wanpela brata (o sapos i stret long yupela, Komiti Bilong Lukautim Haus Kingdom) i mas raitim olgeta tok long pepa Safety Inspection Work Sheet (T-34) long olgeta Septemba. Sapos ol i mas stretim sampela samting bilong Haus Kingdom, orait ol elda i mas mekim ol samting bilong stretim ol dispela wok bilong lukautim kongrigesen. Taim wasman sekit i go lukim kongrigesen, em bai kisim dispela pepa na skelim wanem ol narapela samting ol i mas mekim.

◼ Mipela i laik kirapim ol elda long bihainim tok i stap long namel pepa bilong Wok Kingdom bilong Julai 1991 [w91-E 4/15 p. 21-23]. Em i stori long ol man i raus o i rausim ol yet na ating ol i laik kam bek long kongrigesen.

◼ Taim ol nupela Wastaua na Kirap! i kam pinis orait toksave hariap long kongrigesen. Dispela bai opim rot bilong ol pablisa i ken ritim na save long ol tok i stap insait paslain long ol i tilim.

◼ Mun Oktoba bai i gat faipela wiken, olsem na em bai i gutpela taim bilong mekim wok painia haptaim.