Ol Toksave

◼ Ogas: Tilim wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Yu Inap i Stap Oltaim Long Paradais Long Graun. Oktoba: Wastaua na Kirap! Sapos man i gat laik long kisim sampela save moa, tilim buklet Yumi Mas Mekim Wanem? Novemba: Buk Kisim Skul Long Bikpela Tisa. Sapos man bilong haus i tok em i no gat pikinini, orait tilim buk Save o liklik nius Yu Laik Kisim Sampela Save Moa Long Baibel?

◼ Long Oktoba i gat 5-pela wiken, olsem na em i gutpela mun long mekim wok painia haptaim long en.

◼ Wasman siaman o wanpela brata em i makim i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Mipela i laik bai yupela ol pablisa, na moa yet ol pablisa i stap long Pot Mosbi, i mas tingim olsem yupela i no ken mekim wok long atres bilong brens ofis long ol pas bilong yupela yet olsem atres ol man i ken bekim pas bilong yupela long en. Em ol kain pas olsem: Ol pas na ol buk samting yupela i salim bilong autim tok long ol man i gat laik long harim tok, na ol pas yupela i raitim long ol man yupela i no inap painim long haus, na ol man i stap long ol longwe ples. Ol pablisa i mas yusim atres bilong ol yet o bilong kongrigesen (sapos ol pablisa i save yusim posofis boks bilong kongrigesen bilong kisim ol pas bilong ol). Ol pablisa na ol narapela i save bung wantaim kongrigesen i no ken yusim atres bilong brens ofis bilong kisim ol pas bilong ol yet.

◼ Long Septemba 1, 2005 i gat wok long kaunim hamas buk na nius i stap long kongrigesen. Dispela wok i wankain olsem wok yupela i save mekim long olgeta mun, na yupela i mas raitim namba bilong ol buk na nius long fom Bilong Kaunim Ol Litresa (S⁠-⁠18⁠-⁠MP). Magasin sevan bai tokim yupela long hamas magasin i stap na yupela i ken raitim dispela namba long fom. Kuskus i mas bosim dispela wok. Olgeta kongrigesen bai kisim tupela fom bilong mekim dispela wok. Plis salim namba wan kopi long brens ofis paslain long Septemba 6. Putim namba tu kopi long fail bilong kongrigesen.

◼ Ol kongrigesen i mas kirap nau long putim oda long 2006 Calendar of Jehovah’s Witnesses na 2006 Yearbook of Jehovah’s Witnesses wantaim oda bilong neks mun. Mipela bai salim buklet Skelim Sampela Tok Bilong Baibel Long Olgeta De​​—⁠2006 long olgeta kongrigesen na grup inap long olgeta wan wan pablisa. Tasol sapos yupela i laik kisim sampela moa bilong ol pikinini na ol Baibel stadi, orait putim oda long pepa literature request form.