Ol Toksave
◼ Septemba: Yu Inap i Stap Oltaim Long Paradais Long Graun. Oktoba: Wastaua na Kirap! Sapos man i gat laik long kisim sampela save moa, tilim buklet Yumi Mas Mekim Wanem? Novemba: Buk Kisim Skul Long Bikpela Tisa. Sapos man bilong haus i tok em i no gat pikinini, orait tilim buk Save o liklik nius Yu Laik Kisim Sampela Save Moa Long Baibel? Disemba: Buk Baibel Stori Buk Bilong Mi o buk Nambawan Man Tru i Winim Olgeta Narapela Man.
◼ Ol wan wan pablisa yet i no ken salim oda bilong ol buk samting i go long brens ofis. Long olgeta mun, paslain long kongrigesen i salim oda bilong litresa i go long brens ofis, wasman siaman i mas stretim rot bilong mekim toksave long dispela samting. Orait nau ol bratasista i laik kisim ol buk samting ol i ken toksave long brata i lukautim litresa. Tingim wanem ol buk samting i olsem spesel rikwes aitem.
◼ Mipela i laik kirapim ol elda long bihainim ol tok i stap long namel pepa bilong Wok Kingdom bilong Julai 1991 [w91-E 4/15 p. 21-23]. Em i stori long ol man i raus o i rausim ol yet na ating ol i laik kam bek long kongrigesen.
◼ Spesel pablik tok long taim bilong Memorial bilong 2006 bai kamap long Sande, Epril 30. Bihain mipela bai toksave long nem bilong dispela tok. Ol kongrigesen i gat kibung o raun bilong wasman sekit long dispela wik, ol bai mekim dispela spesel pablik tok long wik bihain. No ken mekim bikpela pablik tok paslain long Sande Epril 30, 2006.
◼ Mun Oktoba i gat 5-pela wiken, olsem na em i gutpela taim bilong mekim wok painia haptaim.
◼ Long wik i kirap long Disemba 26, 2005, bai yumi kirap stadi long buklet Was i Stap! long ol Buk Stadi Bilong Kongrigesen. Sapos ol kongrigesen i laik kisim dispela buklet Was i Stap! ol i mas putim oda hariap bilong kisim.
◼ Long sevis yia bilong 2006, olgeta bratasista i mekim wok painia haptaim long mun em wasman sekit i kam lukim kongrigesen, ol i ken insait long namba wan hap bilong miting em wasman sekit i mekim wantaim ol painia oltaim. Sapos inap, i gutpela sapos olgeta painia haptaim i ken insait long dispela miting.