Ol Toksave

◼ Janueri: Rot Bilong Famili i Ken Stap Amamas. Sapos yupela i no gat dispela buk, orait tilim buklet Was i Stap! Februeri: Go Klostu Long Jehova. Mas: Was i Stap! Sapos sampela i gat laik long kisim sampela save moa, orait tilim buk Save na traim long kirapim Baibel stadi wantaim ol. Epril na Me: Wastaua na Kirap!

◼ Ol pablisa i baptais pinis na ol i bin raitim ol tok long kat Advance Medical Directive/Release o kat Identity na dispela kat i no gat det long en bilong makim taim ol i bin prinim o i gat det 3/99 long en, ol i no gat wok long raitim nupela kat bilong dispela yia. Kuskus i mas i gat ol kat inap long ol pablisa i baptais nupela, na pikinini bilong ol, na ol bratasista em kat bilong ol i bin lus o i bagarap na ol i mas kisim nupela kat. Sapos kongrigesen i sot long ol dispela kat, orait kuskus i ken sekim ol narapela kongrigesen i stap klostu o putim oda bilong kisim sampela kat moa wantaim oda bilong neks mun.

◼ Long wik i kirap long Janueri 30, 2006, bai yumi stadi long buk Putim Yau Long Tok Profet Bilong Daniel! long Buk Stadi Bilong Kongrigesen.

◼ Mun Epril i gat 5-pela wiken, olsem na em i gutpela taim bilong mekim wok painia haptaim.

◼ Ol kongrigesen i mas redim ol samting bilong mekim Memorial bilong dispela yia long Trinde, Epril 12, taim san i go daun. Tok bilong Memorial i ken kirap taim san i no go daun yet, tasol wok bilong tilim bret na wain i no ken kirap paslain long san i go daun. I gutpela long olgeta wan wan kongrigesen i mekim Memorial bilong ol yet. Tasol ating sampela i no inap mekim olsem. Sapos tupela kongrigesen i bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta. O sampela kongrigesen i ken painim narapela ples bilong mekim Memorial. Yupela i mas tingim ples bilong putim ol ka, na hap we ol ka bai kam tasol bilong lusim o kisim ol man. Ol elda i mas pasim tok long wanem pasin i gutpela long bihainim long hap bilong ol.