Ol Toksave

◼ Mas: Tilim buklet Was i Stap! Sapos man i laik harim tok, tilim nupela buk Tru Tru Baibel i Tok Wanem? na traim long kirapim Baibel stadi. Sapos i no gat dispela buk, orait mekim wok long buk Save. Epril na Me: Wastaua na Kirap! Taim yu mekim gobek long ol man i amamas long harim tok, na ol man i save kam long Memorial o ol kibung bilong yumi, tasol ol i no save bung wantaim kongrigesen, tilim nupela buk Tru Tru Baibel i Tok Wanem? long ol. Wok strong long kirapim Baibel stadi wantaim ol long dispela buk. Jun: Tilim buk Kisim Skul Long Bikpela Tisa. Sapos sampela i tok ol i no gat pikinini, orait tilim buk Famili i Ken Stap Amamas.

◼ Long Epril i gat 5-pela wiken, olsem na em i gutpela mun long mekim wok painia haptaim.

◼ Memorial bai kamap long Trinde, Epril 12, 2006. Sapos kongrigesen bilong yupela i save mekim miting long Trinde, orait senisim miting i go long narapela de bilong wik sapos i no gat narapela kongrigesen i yusim Haus Kingdom long mekim miting. Sapos yupela i no inap mekim olsem na i no gat rot long mekim Miting Bilong Wok, orait yupela i ken bungim ol hap bilong dispela miting i gutpela long helpim kongrigesen bilong yupela wantaim narapela Miting Bilong Wok.

◼ Spesel pablik tok long mun bilong Memorial bilong 2006, nem bilong en “Yu Ting God i Bosim Yet Ol Samting?” bai kamap long Sande, Epril 30. Ol kongrigesen i gat kibung o raun bilong wasman sekit long dispela wik, ol bai mekim dispela spesel tok long wik bihain. No ken mekim dispela spesel tok paslain long Sande, Epril 30, 2006.

◼ Taim ol nupela Wastaua na Kirap! i kam pinis, orait brukim oda hariap na tilim long ol bratasista. Dispela bai opim rot bilong ol pablisa i ken ritim na save long ol tok i stap insait paslain long ol i tilim. Na tu, taim nupela Wok Kingdom i kam yupela i mas givim hariap long ol bratasista. Yupela i ken mekim olsem long rot bilong Buk Stadi Bilong Kongrigesen.

◼ Yumi bai stori long vidio Noah​—⁠He Walked With God long wanpela Miting Bilong Wok long Me. Sapos yupela i laik kisim wanpela vidio, kwiktaim putim oda long rot bilong kongrigesen.

◼ Ol wan wan pablisa yet i no ken salim oda bilong ol buk samting i go long brens ofis. Long olgeta mun, paslain long kongrigesen i salim oda bilong litresa i go long brens ofis, wasman siaman i mas stretim rot bilong mekim toksave long dispela samting. Orait nau ol bratasista i laik kisim ol buk samting ol i ken toksave long brata i lukautim litresa. Tingim wanem ol buk samting i olsem spesel rikwes aitem.