Riviu Bilong Skul Tiokratik Bilong Autim Tok
Bai yumi toktok long ol dispela askim long Skul Tiokratik Bilong Autim Tok long wik i kirap long Epril 24, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Mas 6 i go inap long Epril 24, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Taim yumi skulim ol man, bilong wanem yumi mas malolo taim yumi laik kamapim nupela tingting? Wanem samting inap mekim na yumi no malolo? [be p. 98 par. 3-4]
2. Bilong wanem em bikpela samting long malolo taim yumi toktok wantaim ol man long wok autim tok? [be p. 99 par. 6–p. 100 par. 4]
3. Bilong wanem stretpela pasin bilong kolim strong tok em i bikpela samting taim yumi mekim tok? Olsem wanem yumi ken kisim stretpela pasin bilong kolim strong tok? [be p. 101 par. 1–p. 102 par. 1, na blok]
4. Taim yumi ritim tok long ai bilong ol man, yumi ken mekim wanem na bai yumi kamapim strong ol nambawan bikpela tingting? [be p. 105 par. 1-6]
5. Bilong wanem strong bilong nek i bikpela samting taim yumi skulim ol man? Olsem wanem yumi ken save strong bilong nek i stret o nogat? [be p. 107-8]
TOK NAMBA 1
6. Olsem wanem i stap bilong ol Kristen long nau i wankain long Esta na Mordekai? Olsem wanem yumi ken bihainim pasin bilong ol? [bsi01 p. 15 par. 17]
7. Taim Solomon i tok olsem “olgeta dispela samting i olsem samting nating tasol . . . I olsem man i ran i go bilong holimpas win,” dispela tok bilong em i makim wanem samting? (Sav. 2:11) [w04 10/15 p. 4 par. 3-4]
8. Olsem wanem yumi ken kisim pasin bilong laikim God? (Mk. 12:30) [w04 3/1 p. 19-21]
9. Olsem wanem ol samting bilong spirit i narapela kain long ol samting bilong skin? [w04 10/15 p. 5-7]
10. Wanem samting inap helpim yumi long putim gut yau long taim bilong ol kibung? [be p. 15-16]
BAIBEL RITIM BILONG WIK
11. Bilong wanem ol i karamapim het bilong Haman? (Est. 7:8)
12. Wanem kain win o spirit i bin stiaim tingting bilong Elifas? (Jop 4:15, 16) [w05 9/15 p. 26 par. 2]
13. Olsem wanem? Tok Jop i mekim long Jop 7:9, 10 na Jop 10:21 i makim olsem em i no bilip long kirap bek?
14. Wanem taim Elihu i kam kamap long hap em Jop wantaim tripela giaman pren bilong em i toktok i stap? (Jop 32:1-3)
15. Wanem mining bilong dispela tok bilong Jop, “mi no bin mekim rong na mi no gat asua long wanpela samting”? Yumi inap lainim wanem samting long dispela tok? (Jop 27:5)