Riviu Bilong Skul Tiokratik Bilong Autim Tok
Bai yumi toktok long ol dispela askim long Skul Tiokratik Bilong Autim Tok long wik i kirap long Jun 26, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Me 1 i go inap long Jun 26, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Wanem ol samting i insait long pasin bilong senisim nek? Bilong wanem em i bikpela samting? [be p. 111, na ol blok]
2. Taim yumi mekim tok, olsem wanem yumi ken senisim spit bilong toktok bilong yumi? [be p. 112 par. 3–p. 113 par. 1, na blok]
3. Olsem wanem yumi ken kisim pasin bilong givim bel long mekim tok? Bilong wanem em i bikpela samting? [be p. 115 par. 1–p. 116 par. 2, na ol blok]
4. Taim yumi skulim ol man, bilong wanem em i bikpela samting long mekim long pasin i olsem yumi pilim tru long bel? Wanem samting i ken helpim yumi long mekim olsem? [be p. 118 par. 2–p. 119 par. 5]
5. Stori long as na em i bikpela samting long wokim han na mekim wok long pes. (Mt. 12:48, 49) [be p. 121, na ol blok]
TOK NAMBA 1
6. Olsem wanem Buk Jop i litimapim nem bilong Jehova na strongim pasin bilong bihainim ol stretpela lo bilong em? [bsi01 p. 17-18 par. 39, 41]
7. Olsem wanem yumi ken save Buk Song em i hap tru bilong Baibel? [bsi01 p. 21 par. 10-11]
8. Wanem insait bilong dispela tok “man i gat gutpela tingting” long Sindaun 13:16? [w04 7/15 p. 28, par. 3-4]
9. Olsem wanem holi spirit i save helpim yumi? Dispela i mas mekim wanem long yumi? (Jo. 14:25, 26) [be p. 19 par. 2-3]
10. Matyu sapta 24 na 25 i stori long Jisas “i kam,” wanem mining bilong dispela? Na wanem mining bilong dispela tok “i kam” i stap long Matyu 16:28? [w04 3/1 p. 16 blok]
BAIBEL RITIM BILONG WIK
11. Yumi ken lainim wanem samting long tok Jop i mekim long Jehova olsem i stap long Jop 42:1-6?
12. Wanem insait bilong dispela “tok nating” em ol man i pasim? (Sng. 2:1, 2)
13. Taim dispela ves i tok long ol manmeri i no save mekim stretpela pasin, dispela i makim wanem samting? (Sng. 11:3)
14. Man i bikhet i kisim wanem kain “pe”? (Sng. 31:23)
15. Olsem wanem tok bilong Song 40 inap helpim yumi long daunim ol laik nogut bilong skin na karim ol hevi bilong dispela graun? (Sng. 40:1, 2, 5, 12)