Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Oktoba 30, 2006. Wasman skul bai mekim riviu inap 30 minit long ol tok i bin kamap insait long skul long wik i kirap long Septemba 4 i go inap long Oktoba 30, 2006. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Bilong wanem pasin bilong bosim gut bel na stap isi em i bikpela samting? Olsem wanem yumi ken daunim pasin bilong tingting planti? [be p. 135 par. 5–p. 137 par. 2, na ol blok]
2. Taim ol man i askim yumi long ol bilip bilong yumi, bilong wanem em i bikpela samting long mekim wok long Baibel taim yumi bekim ol askim? [be p. 143 par. 1-3]
3. Olsem wanem yumi ken mekim gutpela wok moa long Baibel? [be p. 144, blok]
4. Bilong wanem em i bikpela samting long kirapim man long lukim Baibel taim yumi autim tok long em? Olsem wanem yumi ken kirapim odiens long lukim Baibel long ol miting? [be p. 145-6, na ol blok]
5. Taim yumi kamapim wanpela skripsa, i gat wanem tupela samting yumi mas mekim? [be p. 147 par. 2]
TOK NAMBA 1
6. Wanem tok i gat laip i stap long Buk Song? [bsi01 p. 21 par. 23]
7. Wanem taim ol i bin raitim na bungim ol tok bilong Buk Sindaun? [bsi01 p. 24 par. 5]
8. Ol tok bilong Buk Sindaun em wanem kain tok? Olsem wanem nem bilong buk long tok Hibru i stret long ol tok bilong buk? [bsi01 p. 24 par. 6]
9. Sindaun 2:1-5 i kirapim yumi long wok long painim save, gutpela tingting, na skelim gut ol samting ‘olsem man i wok long painim silva na mani samting ol i bin haitim.’ Dispela tok i makim wanem samting? [be p. 38 par. 4]
10. Buk Sindaun yet i tok wanem na i kamapim gutpela wok bilong en? [bsi01 p. 26 par. 19]
BAIBEL RITIM BILONG WIK
11. Olsem wanem Devit i ‘sindaun gut na stap bel isi olsem pikinini i slip i stap long han bilong mama bilong em’? (Sng. 131:1-3)
12. Wanem gutpela tok i stap long Song 139:7-12?
13. Song 145 i stori long sampela samting i kamapim biknem bilong Jehova na i stret yumi litimapim nem bilong em taim yumi beten na taim yumi autim tok. Kolim sampela bilong ol dispela samting i givim biknem long Jehova. (Sng. 145:3)
14. Olsem wanem pasin bilong pret olsem aninit long Jehova inap helpim yumi long kisim gutpela save na gutpela tingting? (Snd. 1:7; 9:10)
15. Wanem ol samting i insait long “tok bilong mi” long Sindaun 7:1, 2?