Ol Toksave

◼ Janueri: Rot Bilong Famili i Ken Stap Amamas o Yu Inap i Stap Oltaim Long Paradais Long Graun. Februeri: Go Klostu Long Jehova. Mas: Buk Baibel i Tok. Wok strong long kirapim Baibel stadi long dispela buk. Epril na Me: Wastaua na Kirap! Taim yumi mekim gobek long ol man i amamas long harim tok, na ol man i save kam tasol long Memorial na ol kibung na ol i no save bung wantaim kongrigesen, yumi mas wok strong long tilim buk Baibel i Tok na tingting long kirapim wanpela Baibel stadi.

◼ Yumi bai stori long vidio Young People Ask​—⁠What Will I Do With My Life? long wanpela Miting Bilong Wok long Epril. Sapos yupela i laik kisim wanpela vidio, kwiktaim putim oda long rot bilong kongrigesen.

◼ Ol buk na nius bilong yumi long tok ples Saina i stap long tupela kain rait. Ol man long Hong Kong na Taiwan i save ritim tok Saina yumi save kolim olsem Chinese (CH). Ol narapela Saina i save ritim rait bilong tok Saina i no hatwok tumas em yumi save kolim Simplified Chinese (CHS). Maski man i save mekim tok Kanton, Mandarin, o narapela tok ples Saina, em i bikpela samting long yumi save wanem rait em i gat laik long ritim. Yu ken lukim buklet Good News for People of All Nations, pes 16-​17, na skelim wanem rait i stret long man. Long dispela rot, ol inap kisim ol buk na nius long rait i stret long ol.

◼ Ol kongrigesen i mas redim ol samting bilong mekim Memorial bilong dispela yia long Mande, Epril 2, taim san i go daun. Tok bilong Memorial i ken kirap taim san i no go daun yet, tasol wok bilong tilim bret na wain i no ken kirap paslain long san i go daun. I gutpela long olgeta wan wan kongrigesen i mekim Memorial bilong ol yet. Tasol ating sampela i no inap mekim olsem. Sapos tupela kongrigesen i bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta. O sampela kongrigesen i ken painim narapela ples bilong mekim Memorial. Yupela i mas tingim ples bilong putim ol ka, na hap we ol ka bai kam tasol bilong lusim o kisim ol man. Ol elda i mas pasim tok long wanem pasin i gutpela long bihainim long hap bilong ol.

◼ Ol kuskus bilong kongrigesen i mas sekim fail bilong kongrigesen olsem i gat Pas Bilong Makim Painia (S-​202-MP) bilong wan wan painia oltaim bilong kongrigesen o nogat. Sapos nogat, plis toksave long brens ofis.