Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Februeri 26, 2007. Wasman skul bai mekim riviu inap 30 minit long ol tok i bin kamap insait long skul long wik i kirap long Janueri 1 i go inap long Februeri 26, 2007. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Wanem taim yumi ken mekim ol tok em man i ken bihainim bilong helpim em? Yumi mas bihainim wanem kain pasin taim yumi mekim olsem? [ be p. 158 par. 2-4]
2. Bilong wanem em i bikpela samting long helpim ol narapela long save olsem tok yumi kamapim bai helpim ol? Olsem wanem yumi ken mekim olsem? [be p. 159 par. 3-4]
3. Bilong wanem ol tok yumi makim bilong kolim i bikpela samting? [be p. 160]
4. Wanem samting inap helpim yumi long kolim ol kain kain tok na kolim stret ol dispela tok? [be p. 161 par. 5-6; p. 162 par. 1, 4]
5. Pasin bilong mekim wok long autlain i stap long pepa o long tingting inap kamapim wanem sampela gutpela samting? [be p. 166 par. 1-3]
TOK NAMBA 1
6. Bilong redi long ritim tok long ai bilong ol man, yu mas mekim wanem? [be p. 43 par. 2, 4]
7. Wanem samting i bikpela samting sapos yumi laik kisim pasin bilong Jehova long laikim pasin i stret na no laikim pasin nogut? (Hi. 5:14) [w05 1/1 p. 9 par. 11]
8. Sapos yumi ritim wanpela stori long Baibel em i kirapim yumi long tingting planti long God i bin mekim stretpela pasin o nogat, yumi mas tingim wanem samting? [w05 2/1 p. 24 par. 7]
9. Bai yumi mekim wanem taim tok bilong ol man na laik bilong God i pait wantaim? [w05 4/15 p. 12 par. 9]
10. Aisaia i mekim wanem ol tok i makim Kingdom Bilong Mesaia, na i makim man i go pas, em Jon Bilong Baptais? [bsi02-1 p. 10 par. 35]
BAIBEL RITIM BILONG WIK
11. Wanem ‘dispela hevi i olsem klos bilong sori ol i putim’ em Aisaia 25:7 i toktok long en?
12. Olsem wanem ol man inap “harim” na “lukim” Jehova? (Ais. 30:20, 21)
13. Tru o Giaman: Hesekia i laik i stap longpela taim na em i mekim dispela beten i stap long Aisaia 38:3.
14. Olsem wanem ol Israel i stap olsem witnes bilong Jehova? Olsem wanem yumi ken bihainim pasin bilong ol? (Ais. 43:10)
15. Tok i stap long Aisaia 52:11, 12 i stap olsem piksa na i makim olsem man i mas mekim wanem bilong “karim ol dis na plet samting bilong haus bilong Bikpela”?