Ol Toksave

◼ Me: Wastaua na Kirap! Taim yumi mekim gobek long ol man i laik harim tok, na ol man i save kam long Memorial na ol kibung, tasol ol i no save bung wantaim kongrigesen, wok strong long tilim buk Baibel i Tok na tingting long kirapim wanpela Baibel stadi. Jun: Buk Rot Bilong Famili i Ken Stap Amamas. Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, Was i Stap!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?

◼ Sapos yu givim sek olsem kontribiusen na yu putim long bokis kontribiusen long Haus Kingdom bilong helpim wok long olgeta hap na long bokis Kontribiusen Bilong Wokim Ol Haus Kingdom, orait yu mas raitim akaun nem bilong kongrigesen yu stap long en. Olsem, “Kongrigesen Kavieng Bilong Ol Witnes Bilong Jehova.” Ol kontribiusen yu givim long rot bilong sek long kibung distrik o salim i go long brens ofis, yu mas raitim “International Bible Students Association” o “IBSA” long en. Atres bilong brens ofis bilong salim ol sek samting long en, em International Bible Students Association, P.O. Box 636, Boroko, NCD 111.

◼ Ol lain elda na ol wasman sekit i mas skelim gen ol tok i stap long Wok Kingdom bilong Janueri 2007, pes 4, i stori long pasin bilong redi sapos bikpela bagarap i kamap. Em i bikpela samting long ol brata i go pas long olgeta kongrigesen na grup, ol i mas save long telefon namba na atres samting bilong ol pablisa bambai ol i ken painim ol taim bikpela bagarap i kamap. Em i gutpela sapos ol pablisa i toktok wantaim wasman bilong Buk Stadi bilong ol o narapela elda sapos ol bai stap longpela taim liklik long narapela hap, olsem go holide o mekim wok bisnis long narapela hap, stap long haus sik, na ol kain samting olsem.