Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Jun 25, 2007. Wasman skul bai mekim riviu inap 30 minit long ol tok i bin kamap insait long skul long wik i kirap long Me 7, i go inap long Jun 25, 2007. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Taim yumi toktok, yumi ken mekim wanem na bai tingting bilong yumi i ken i stap isi na dispela bai helpim krai bilong nek i kamap gutpela moa? [be p. 185 par. 1-3]
2. Olsem wanem yumi inap “kisim pasin bilong olgeta kain man” long taim yumi autim tok? (1 Ko. 9:20-23) [be p. 186 par. 2-4]
3. Olsem wanem yumi ken bihainim pasin bilong Jehova long putim gut yau long tok bilong ol narapela? (Stt. 18:23-33; 1 Kin. 22:19-22) [be p. 186 par. 5–p. 187 par. 1, 4]
4. Olsem wanem yumi ken helpim ol narapela long kamap strong? [be p. 187 par. 5–p. 188 par. 3]
5. Bilong wanem yumi mas soim rispek long ol narapela? [be p. 190 par. 3, na blok]
TOK NAMBA 1
6. Bilong wanem yumi mas putim tok i go daun long bel bilong ol man yumi skulim? [be p. 59 par. 1]
7. Pasin yumi bihainim i save mekim wanem long ol man yumi skulim? [be p. 61 par. 1]
8. Olsem wanem yumi ken mekim pasin bilong yumi long toktok wantaim narapela i kamap gutpela moa long haus? [be p. 62 par. 3]
9. Olsem wanem profet Jeremaia i stap olsem gutpela piksa long givim bel long mekim wok bilong God na i no pret? [bsi02-1 p. 13 par. 36]
10. Buk Krai i kamapim wanem bilip? Tasol bilong wanem tok Buk Krai i kamapim long bikpela kot bilong God bai painim ol man nogut i gutpela bilong helpim man? [bsi02-1 p. 16 par. 13]
BAIBEL RITIM BILONG WIK
11. Olsem samting i bin painim Jeremaia, em Jeremaia 37:21 i stori long en, yumi ken bilip tru long wanem samting?
12. Bilong wanem Baruk i tok Jehova i ‘skruim hevi bilong em i go moa yet’ na dispela i mekim em i “les tru”? Dispela i kirapim Baruk long mekim wanem? (Jer. 45:1-5)
13. Yumi inap lainim wanem samting long pasin bilong Jehova long Krai 3:20 (NW )?
14. Yumi mas tingim wanem stiatok long pasin bilong beten i stap long Krai 3:8, 9, 42-45?
15. Karis long tok piksa bilong Esekiel sapta 1 i makim wanem samting?