Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Ogas 27, 2007. Wasman skul bai mekim riviu inap 30 minit long ol tok i bin kamap insait long skul long wik i kirap long Julai 2 i go inap long Ogas 27, 2007. [Harim: Long ol askim we mipela i no kamapim nem bilong ol buk samting mipela i kisim ol tok long en, yupela yet i mas skelim ol buk na nius samting bilong painim bekim bilong ol dispela askim.—Lukim buk Skul Bilong Autim Tok, p. 36-7.]
PASIN BILONG TOKTOK
1. Olsem wanem yumi ken soim rispek long ol man taim yumi autim tok na taim yumi mekim tok insait long kongrigesen? [be p. 192 par. 2-4]
2. Bilong mekim tok em ol man i ken bilip tru long en, wanem samting i bikpela samting? [be p. 196 par. 1-3]
3. Wanem sampela samting yumi mas mekim na bai dispela i helpim yumi long mekim tok long gutpela pasin taim yumi autim tok? [be p. 198 par. 2–p. 199 par. 1]
4. Olsem wanem pasin bilong skelim wanem taim stret long mekim tok i insait long pasin bilong mekim tok long gutpela pasin? (Snd. 15:23) [be p. 199 par. 2-4]
5. Olsem wanem yumi ken mekim ol tok i helpim tru ol man? [be p. 203 par. 2–p. 204 par. 1]
TOK NAMBA 1
6. Olsem wanem yumi save Esekiel i bin raitim Buk Esekiel? Olsem wanem ol tok bilong en i tru na em i hap tru bilong Baibel? [bsi02-1 p. 17 par. 3]
7. Wanem wanpela gutpela pasin man i mas i gat na bai em i ken karim hevi long taim ol man i mekim pasin i no stret long em? [w05 6/1 p. 29 par. 4]
8. Yumi lainim wanem samting long tok Jisas i bekim long ol Sadyusi taim ol i askim em long kirap bek? (Lu. 20:37, 38) [be p. 66 par. 4]
9. Taim wanpela samting i painim wanpela Baibel sumatin o wanpela wanbilip na em i askim yu olsem em i mas mekim wanem, yu mas bekim wanem kain tok long em? [be p. 69 par. 4-5]
10. Bilong ‘tingting bilong yumi i ken kamap nupela,’ yumi mas mekim wanem? (Ef. 4: 23) [be p. 74 par. 4]
BAIBEL RITIM BILONG WIK
11. Dispela man i pasim gutpela klos long Esekiel 9:2-4, em i makim husat? “Mak long pes” bilong ol manmeri i makim wanem samting? [w88 12/1 p. 10 par. 18]
12. Olsem wanem planti bikman bilong lotu long nau ol i olsem ol “longlong profet” em ol i ‘autim ol tok i kamap long tingting bilong ol yet,’ olsem Esekiel 13:3 i stori long en? [w99 10/1 p. 13]
13. Taim ol Israel i mekim “tok piksa” i stap long Esekiel 18:2, ol i laik mekim wanem? Yumi lainim wanem bikpela samting long ol samting yumi mekim? [w88 12/1 p. 14 par. 10]
14. Olsem wanem Esekiel i kamap “mauspas” long taim ol birua i kam banisim na bagarapim Jerusalem? (Ese. 24:27; 33:22) [w03 12/1 p. 29]
15. Gok bilong Magok em husat? Wanem taim em bai kirap traim long bagarapim ol lain bilong Jehova? (Ese. 38:2, 16) [w97 3/1 p. 14 par. 1–p. 15 par. 3]