Ol Toksave

◼ Janueri: Rot Bilong Famili i Ken Stap Amamas o Save i Bringim Man Long Laip Oltaim. Februeri: Rot Bilong Famili i Ken Stap Amamas. Mas: Tru Tru Baibel i Tok Wanem? Wok strong long kirapim ol Baibel stadi. Epril na Me: Wastaua na Kirap! Bai yumi wok strong long go lukim ol nupela man i bin kam long Memorial na spesel pablik tok, tasol ol i no save bung oltaim wantaim kongrigesen. Yumi mekim olsem bilong kirapim Baibel stadi wantaim ol man i no stadi yet.

◼ Mun Mas i gat 5-pela wiken, olsem na em i gutpela taim bilong mekim wok painia haptaim.

◼ Ol kongrigesen i mas redim ol samting bilong mekim Memorial bilong dispela yia long Sarere, Mas 22, taim san i go daun pinis. Tok bilong Memorial i ken kirap taim san i no go daun yet, tasol wok bilong tilim bret na wain i no ken kirap paslain long san i go daun. I gutpela long olgeta wan wan kongrigesen i mekim Memorial bilong ol yet. Tasol ating sampela i no inap mekim olsem. Sapos tupela kongrigesen i bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta. O sampela kongrigesen i ken painim narapela ples bilong mekim Memorial. Yupela i mas tingim ples bilong putim ol ka, na hap we ol ka bai kam tasol bilong lusim o kisim ol man. Ol elda i mas pasim tok long wanem pasin i gutpela long bihainim long hap bilong ol.

◼ Ol kuskus bilong kongrigesen i mas sekim fail bilong kongrigesen olsem i gat pas bilong makim painia (S-​202-MP) bilong wan wan painia oltaim bilong kongrigesen o nogat. Sapos nogat, plis toksave long brens ofis.