Ol Toksave

◼ Jun: Rot Bilong Famili i Ken Stap Amamas. Sapos kongrigesen i gat buk Save, buk Stap Oltaim, o ol narapela olpela buk i gat 192 pes, orait tilim ol dispela buk. Julai na Ogas: Sapos kongrigesen i gat buk Save i Bringim Man Long Laip Oltaim, buk Yu Inap i Stap Oltaim Long Paradais Long Graun, o ol narapela olpela buk i gat 192 pes, yupela i ken tilim wanpela bilong ol dispela buk. O yupela i ken tilim ol buklet long Tok Pisin em kongrigesen i gat, tasol no ken tilim God i Laik Yumi Mas Mekim Wanem? na Yu Inap i Stap Pren Bilong God. Septemba: Tru Tru Baibel i Tok Wanem? Wok strong long kirapim wanpela Baibel stadi long taim yu bungim man long namba wan taim. Sapos man bilong haus i gat dispela buk pinis, orait soim em long pasin bilong mekim stadi long dispela buk.

◼ Bai yumi no inap tilim pepa bilong singautim ol man i kam long kibung distrik bilong 2008. Tasol mipela i wok long stretim rot bilong mekim wanpela bikpela wok em bai kamap long olgeta hap. Bihain bai mipela i kamapim sampela tok moa long dispela samting.

◼ Mun Ogas i gat 5-pela Sarere na Sande, olsem na em i gutpela long mekim wok painia haptaim long dispela mun.

◼ Wanpela brata em siaman i makim i mas skelim ol akaun bilong kongrigesen long mun Mas, Epril, na Me. Taim brata i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.​—⁠Lukim pepa Instructions for Congregation Accounting (S-​27-E).

◼ Em i gutpela long salim aplikesen bilong wok painia oltaim long brens ofis inap 30 de paslain long de brata o sista i putim aplikesen i laik kirap mekim wok painia. Kuskus bilong kongrigesen i mas sekim gut fom bilong save dispela brata o sista i raitim olgeta tok long fom o nogat. Sapos brata o sista i no inap tingim de stret em i bin kisim baptais, orait em i mas makim wanpela det na raitim na tingim dispela det. Kuskus i mas raitim dispela det long kat Congregation’s Publisher Record (S-​21-E).