Riviu Bilong Skul Tiokratik Bilong Autim Tok
Bai yumi skelim ol dispela askim long Skul Tiokratik Bilong Autim Tok long wik i kirap long Februeri 23, 2009. Wasman skul bai mekim riviu inap 20 minit long ol tok i bin kamap insait long skul long wik i kirap long Janueri 5 i go inap long Februeri 23, 2009.
1. Olsem wanem God inap mekim lait i kamap long de namba wan sapos em i no bin wokim yet ol sta samting inap long de namba 4? (Stt. 1:3, 16) [w04 1/1 p. 28 par. 5]
2. Olsem wanem na long taim bilong Pelek ol manmeri bilong graun i “bruk bruk nabaut”? (Stt. 10:25) [w04 1/1 p. 31]
3. Long wanem taim Kontrak Bilong Abraham i kirap? Dispela kontrak i stap inap long wanem taim? (Stt. 12:1-4) [w04 1/15 p. 26 par. 4; w01 8/15 p. 17 par. 13]
4. Wanem samting i kamapim olsem Nimrot na ol man i bihainim em ol i pundaun tru long inapim mak ol i laik winim olsem ol man i mas “litimapim nem” bilong ol? (Stt. 11:4) [w98 3/15 p. 25]
5. Namba 2 Pita 2:7 i kolim Lot “stretpela” man, olsem na bilong wanem Lot i tok long givim tupela pikinini meri bilong em long ol man nogut? (Stt. 19:8) [w05 2/1 p. 26 par. 15-16; w04 1/15 p. 27 par. 3]
6. Ol man marit i aninit long God ol i mas lukautim ol wanlain bilong ol yet, orait olsem wanem long pasin bilong Abraham long rausim Hagar na Ismael i go long ples nating? (Stt. 21:10-21; 1 Ti. 5:8) [w88 8/1 p. 31]
7. Elieser i bin wok strong long mekim ol samting olsem Jehova i laikim bilong painim wanpela meri bilong Aisak, na dispela inap skulim yumi long wanem samting? (Stt. 24:14, 15, 17-19, 26, 27) [w97 1/1 p. 31 par. 2]
8. Wanem mining bilong driman bilong Jekop we em i lukim ol ensel i “wokabaut i go antap na i kam daun” long wanpela lata? (Stt. 28:10-13) [w03 10/15 p. 29 par. 1; it-2-E p. 189; w04 1/15 p. 28]
9. Bilong wanem Resel i laik tru long kisim ol pikinini bilong wanpela kain plaua long pikinini man bilong Lea? (Stt. 30:14, 15) [w04 1/15 p. 28 par. 7]
10. Olsem wanem Jekop i stap gutpela piksa long pasin bilong stretim kros wantaim narapela? (Stt. 33:3, 4) [g82 6/8 p. 24 par. 1-3]