Gutpela Ripot Bilong Autim Tok
Winim 1,000 pablisa i bin insait long wok bilong autim tok long ol longwe teritori long mun Julai, Ogas, na Septemba. Yumi bin autim gut tok long planti manmeri em wan wan taim tasol ol i bin harim gutnius bilong Kingdom. Yumi tilim olsem 2,463 buk na 7,794 magasin na buklet. Planti gutpela ekspiriens i kamapim klia olsem long Papua Niugini “ol kaikai i redi pinis.”—Jo. 4:35.