Askim

◼ Yu ting i stret ol kongrigesen na ol bratasista i ken mekim wok long Watch Tower logo bilong ol Witnes Bilong Jehova?

Logo em nem, o mak, bilong wanpela oganaisesen o koporesen ol man inap luksave hariap long en. Watch Tower logo em mak bilong Watchtower Bible and Tract Society of Pennsylvania na sampela narapela koporesen em oganaisesen i yusim. Ol arapela koporesen ol Witnes i yusim ol i gat ol narapela logo.

Ol kongrigesen o ol bratasista i no ken yusim logo o nem bilong ol koporesen em oganaisesen i yusim na putim long ol Haus Kingdom, long ol sainbot bilong Haus Kingdom, long letterhead, o long karamap bilong buk samting. Sapos yumi yusim ol logo bilong oganaisesen long ol kain samting olsem, dispela inap mekim na ol wokman bilong gavman, ol pablisa, na ol arapela, ol bai paul long wok bilong kongrigesen wantaim ol koporesen em oganaisesen i save yusim. Na i wankain tu, taim ol pas i gat logo bilong oganaisesen long en, dispela inap paulim ol narapela na ol inap kisim tingting olsem em pas hetkota long Brooklyn o brens ofis i bin givim tok orait long en o i salim i kam.

Yupela i no ken yusim moa Watch Tower logo long ol nupela Haus Kingdom yupela i laik sanapim maski ol i stap aninit long wanpela koporesen bilong Watch Tower. Long ol Haus Kingdom we i gat logo i stap pinis, kongrigesen i no gat wok long mekim senis hariap, long wanem, bilong mekim olsem, ating kongrigesen i mas lusim bikpela taim, strong, na mani. Tasol kongrigesen i ken mekim dispela senis sapos i no bikpela wok tumas long mekim. Tasol sapos em wanpela bikpela senis, orait kongrigesen i ken mekim olsem long taim ol i stretim Haus Kingdom o sainbot.