Ol Toksave

◼ Samting bilong tilim long Oktoba: Wastaua na Kirap! Taim yu bungim man i laik harim tok, givim em liklik nius Yu Laik Save Long Tok i Tru? na stori long dispela. Wok strong long kirapim Baibel stadi. Novemba: Tru Tru Baibel i Tok Wanem? na ol olpela buk i gat 192 pes o ol narapela buk em ol i bin prinim paslain long 1995, em ol buk bilong ol narapela tok ples tu em kongrigesen i holim yet. Disemba: Nambawan Man Tru i Winim Olgeta Narapela Man. Sapos i gat ol pikinini i stap long haus, tilim Kisim Skul Long Bikpela Tisa. Janueri: Tru Tru Baibel i Tok Wanem? na ol olpela buk i gat 192 pes o ol narapela buk em ol i bin prinim paslain long 1995, em ol buk bilong ol narapela tok ples tu em kongrigesen i holim yet.

◼ Yumi no inap kisim moa Sediul Bilong Skul Tiokratik Bilong Autim Tok olsem namel pepa bilong Wok Kingdom. Olgeta wan wan kongrigesen bai kisim sediul bilong yia olgeta, na ol bai putim wanpela kopi long notis bot bilong Haus Kingdom. Wasman skul bai kisim wanpela kopi bilong em bilong makim ol asainmen. Ol pablisa bai wok yet long kisim Wok Kingdom bilong ol long olgeta wan wan mun we i gat sediul bilong wan wan wik bilong Baibel Stadi Bilong Kongrigesen, Skul Tiokratik Bilong Autim Tok, na Miting Bilong Wok.

◼ Long wik i kirap long Mas 15, 2010, bai yumi mekim wok long buk “Stap Insait Yet Long Pasin Laikim Bilong God” long Baibel Stadi Bilong Kongrigesen. Mipela i salim ol buk long olgeta wan wan kongrigesen. Sapos ol kongrigesen i mas kisim sampela moa bilong dispela buk, orait ol i mas putim oda long en wantaim oda bilong neks mun.